Hoonderkrejje

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Hoonderkrejje of hanekrejje (of -sjrejje, -krieje) is 'n goksport die veural populair is in Zuud-Limbörg en Belsj Limbörg en wuuertj ónger anger gehajen in Papenhaove en Èèsjde. 't Hoonderkrejje hèltj in det me in 'ne zaal zitj en edereine dae mitduit zienen eigen haan mitnump. 't Wuuertj gespeeldj in rundjes en 't doel van 't speel is 't krek veurspèlle wieväöl kieër de hane (of allein d'n eigen haan) krejje binnen 'ne bepaoldjen tied, meistes ein oer. 't Vèrg väöl kóncentraasje en me mót gans stil zeen tiejes de runj. 't Hoonderkrejje wuuertj meistes gespeeldj oppe zóndigmörge. Allewiel zeen de meiste deilnummers op laeftied.

't Guuef ouch 'ne variant wobie daegene wintj van waem d'n haan 't dökste haet gekrejdj.

In Bilze wuuertj ein oer lang gespeeldj en tèltj me 't aantaal kieër det d'n eigen haan krejtj. Me wintj wen d'n haan beveurbeildj fieërtig slaeg zingk (of kieër krejtj) en me vanteveure ouch fieërtig haet ingevöldj in 't losj (hökske) op 't formeleer. Det hètj 'ne "zero". Me krieg ouch pries wen me eine slaag euver of ónger zitj. Me deentj minimaal dertig slaeg in te völle; 't löp mit getale van tieën op toet hóngerdjentieën slaeg es maximum.

Es d'n toet is gegange mót me ein oer lang stil zeen.

Ouch boete Limbörg kump of koom 't hoonderkrejje veur, beveurbeildj in Twente en Drenthe.

In Wes-Europa is hanekrejje ouch geleef in Vlaondere, Wallonië en mierder streke in Duutsland. De Duutse speciaolclub veur Bergse Hoonderrasse behèlt 'ne aw Bergse traditie door sinds 1924 op Hiemelvaartsdaag hanekrejwedstriede mèt Bergse krejjers te organisere. Op Java weure eveneins eder jaor nationaal hanekrejje gehawwe mèt ayam pelungs en bekisars. In Japan weure kleiner krejwedstriede gemeinelek in privéhäöf gehawwe. In de Vereinegde Staote vaan Amerika höbbe hanekrejje regelmaoteg plaots bie geldinzamelinge of binne 't kader vaan groete landbouwtentaonstèllinge ("country fairs").

• Amathusia.nl: Nieuw leven voor ‘hanenkraaien’ in Limburg.
• Het Belang van Limburg (5 juli 2011): Hanenkraaien met uitsterven bedreigd.

  Dit artikel is e sjtumpke. De kans Wikipedia helpe door 't aan te völle