KSI

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Olajide Olayinka Williams "JJ" Olatunji (Watford, 19 juni 1993), beëter bekank ónger zinne alias KSI, is 'ne Ingelsje youtuber en rapper.

Olatunji woeëd geboare in 't Ingelsje Watford es d'r zoeën van 'ne Nigeriaanse vadder. Heë begós in 2008 vuur 't ieësj mit 't make van video's op 't platform YouTube, toen nog ónger d'r accountnaam JideJunior. In d'r juli van 2009 richde Olatunji zie YouTubekanaal KSIOlajideBT op, dat sjpieëder verkót zouw weëde tot KSI. Zieng ieësjte video's woare mieëtstes filmkes woeëbei d'r tiedes 't besjpele van de FIFA-computersjpelle zelf 't commentaar deeg verzörge. Dees woeëde gemaak op zinne sjloapkamer in 't hoes van zieng ouwesj. In d'r loop van d'r tied heel KSI zich ooch sjteeds mieë bezig mit 't make van vlogs. In 2012 bereikde heë de grens van 1 mieljoeën abonnees op zie YouTubekanaal. KSI is lid van de YouTubegroep Sidemen.

In 2015 begós Olatunji, ónger zinne artiestennaam KSI, mit 't make van moeziek in de genres rap en hiphop. Olatunji is 'ne bókser.