Gruusbèk
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
| Groesbeek Gewaeze gemeinte in Nederlandj | |||||
| |||||
| Gevörmp | 1815 | ||||
| Opgehaeve | 2015 (zuug hoofteks) | ||||
| Opgegange in | Berg en Dal | ||||
| Provincie | Gelderlandj | ||||
| Hoofplaats | Groesbeek | ||||
| Opperflaakde (bie opluffing) | 44,14 km² | ||||
| – daovan water: | 0 km² | ||||
| Inwoeners (kort veur opluffing) | 18.891 (1-5-2014) | ||||
| – deechde: | 428/km² | ||||
| Lies van börgemeisters | |||||
Groesbeek (Groesbeeks: Gruusbèk) ies 'n plaats in de Nederlandse provincie Gelderland. 't Ies mèt 11.890 inweunersj de hoofplaats en groatse plaats van de fusiegemeinte Berg en Dal. Groesbeek ligk aan Duutsjland en aan Limburg. De Groesbeek zèlf, die sjtruimp door 't dörp, is vermeudelik de naamgaever.
De gemeinte besjtóng behalve oet 't gelieknamig dörp oet de kerne Berg en Dal (gedeiltelik), Heilig Landstichting, De Horst en Breedeweg. In Groesbeek bevinge ziech drie bekènde musea: 't Biebels Opelochmuseum, 't Afrikamuseum en 't Nationaal Bevriejingsmuseum 1944-1945. Ouch liek d'r e Canadees oorlogkèrkh'f. De gemeinte ligk in 'n heuvelechtig en bebösj landsjap. Dit zien de oetluipersj van de Nederriense Heuvelrögk. Ouch 't bösjgebeed van 't oorsjprunkelik groatere Reichswald ligk gedeiltelik in de ouw gemeinte.
Op 1 januari 2015 ies de ouw gemeinte Groesbeek samegeveug mèt de gemeintes Millinge en Ubberge tot de fusiegemeinte Berg en Dal, die in 2015 ouch Groesbeek hoot.
Dialek
[bewirk | brón bewèrke]In Groesbeek weurt 't Groesbeeks gekald, e karakteristiek Kleverlands dialek, dat väöl verwantsjap haet mèt 't dialek van ó.m. Mook en Milsbeek. 't Dialek versjilt get per dörp en naobersjap, meh weurt nog ummer relatief väöl gekald.
