Ganshoren

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Ganshoren ies 'n gemeinte in 't Brussels Hoofsjtaejelik Gewes, in 't noordweste van de Brusselse agglomeratie. De gemeinte haet 20.970 inweunersj (1 januari 2006) en 'n oppervlak van 2,46 km².

't Kesjtièl de Rivieren in Ganshoren dateert oet de 17e ièw. De Keizer Karellaan ies 'ne belangrieke oetvalsweeg nao Gent en de Belzje kös. Langs deze weeg vink me nog inkel ouw boerderieje. De Nationaal Basiliek van 't Heilig Hart van Koekelberg sjteit sjuus euver de gemeintegrens. 't Aangrenzend Elisabethpark liek veur 'n deil in de gemeinte Ganshoren. 't Veurmalig gemeintehoes van Groot-Bijgaarden (gemeinte Dilbeek, Vlaams-Brabant) ies 'n barokhoes dat in Ganshoren haet gesjtange en later daoheen ies verplaats.

Ganshoren veel besjtuurlik lang ónder Jette en woort in 1841 'n zelfsjtendige gemeinte. 't Waor toen nog 'n landelik dörp; in 1846 houw Ganshoren 1015 inweunersj. In de loup van de 20e ièw ies Ganshoren ónderdeil gewore van de agglomeratie Brussel en ies de bevolking hendig toegenómme.

• Lode Devos, tenor

• Officieel site van de gemeinte

In de categorie Ganshoren van Wikimedia Commons zeen media gerelateerd aan dit óngerwerp te vènje

't Brussels Hoofsjtaejelik Gewes
Anderlech · Brussel-Sjtad · Elsene · Etterbeek · Evere · Ganshoren · Jette · Koekelberg · Oudergem · Schaarbeek · Sint-Agatha-Berchem · Sint-Gillis · Sint-Jans-Molenbeek · Sint-Joost-ten-Node · Sint-Lambrechts-Woluwe · Sint-Pieters-Woluwe · Ukkel · Vorst · Watermaal-Bosvoorde