Boskoop
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Boskoop Gewaeze gemeinte in Nederlandj | |||||
| |||||
| Gevörmp | (1204) | ||||
| Opgehaeve | 2014 | ||||
| Opgegange in | Alphen aan den Rijn | ||||
| Provincie | Zuid-Holland | ||||
| Hoofplaats | Boskoop | ||||
| Opperflaakde (bie opluffing) | 16,95 km² | ||||
| – daovan water: | 2,07 km² | ||||
| Inwoeners (kort veur opluffing) | 15.212 (1 augustus 2013) | ||||
| – deechde: | 1022/km² | ||||
| Lies van börgemeisters | |||||
Boskoop is 'n plaots en geweze gemeinte in de Nederlandse provincie Zuid-Holland, laanks de reveer de Gouwe, te noorde vaan Gouda en Waddinxveen, mèt zoe'n 15.000 inwoeners.
Boskoop is nog ummertouw 'n agrarisch centrum, en wel e centrum vaan de seerteelt vaan buim en blómme.
Historie
[bewirk | brón bewèrke]De grun boe-op Boskoop ligk woorte in de twelfde iew oontgonne; in 1204 woort de neerzètting Ten Bussche gestiech, boe-oet allezeleve Boskoop is voortgekoume. 'n Koop of cope waor in Holland en 't Stiech e stök gepachde oontginningsgroond. Bezitter waor de abdij vaan Rijnsburg. Al vaanaof de vieftiende iew kaom de seerteelt in Boskoop op geng; vaanaof de zeventiende iew woorte neve buim ouch blómme geteeld, die sinds de negentiende iew ouch op d'n export nao veural Duitsland gónge. 'nen Hinderende factor waor de lieg ligking, wie Gouda en Waddinxveen mer zjus bove 't groondwaterpeil, boedoor väöl slote móste gegraove weure um 't dörp en de velder druug te hawwe.
Op 1 jannewarie 2014 is Boskoop, same mèt Rijnwoude, opgegaange in de gemeinte Alphen aan den Rijn. Tot de nui fusiegemeinte de naom Alphen aan den Rijn hèlt, waor tege 't zier bein vaan Boskoop.