Abenaki (spraok)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

't Abenaki (of Abnaki) is 'n bao oetgestórve Algonkische spraok in Québec en Vermont. 't Guuef twieë variante: 't Oeastelik Abenaki en 't Wèstelik Abenaki, die versjillen in vocabulair en fonologie en sómtieds es twieë versjillige spraoke gezeen waere.

Oeastelik Abenaki woort gekaldj door versjillige vouke, wovanne litste 't Penobscotvouk van köstelik Maine woor. De litste spraeker stórf dao ouch inne 1990'er jaore. Anger dialekte van 't Oeastelik Abenaki, wie 't Canabi en 't Aroosagunticook, woorte gedocumenteerdj in Fransspraokige brónne vanne kolonialen tied.

In 1991 woort 't Wèstelik Abenaki nag gekaldj door 20 luuj langse Saint-Lawrence-reveer tösje Montréal en Québec, veurnamelik bie Odanak, die plaats wo 't veurmaolig missiedörp Saint Francis loog, en door 50 luuj die gans dore staot New York en Connecticut laefdje. Taenge 2006 woorte nag meh vief spraekers gevónje.