Edirne
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Edirne (historisch: Adrianopel), is 'n stad in Thracië, 't Europees deil van Törkieje. De stad tèltj 119.000 inweuners en ligk ane samevleujing vanne Tunca enne Meriç.
De stad is gestif gewaore dore Romeinse keizer Hadrianus en krieg van dem ziene naam es Hadrianopolis. Ieëre loog hie 'n nederzètting vanne Thraciërs die bekandj waas es Uskadama, Uskudama of Uskodama. De keizer waas betróch bieje arsjitektuur enne organisaasje van 't stadsbestuur.
Nao de Ieëste Werreldkrieg woort de stad bieje Vreej van Sèvres in 1920 Grieks. Nao de Grieks-Törkse Krieg in 1923, dae woort verlaore door Griekelandj, woort de stad bieje Vreej van Lausanne toegewezen aan Törkieje. Daomit wore de christelike (veural Griekse) inweuners vanne stad oetgeweze nao Griekelandj.
