De Boekoêl

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.

De Boekoêl (Hollands: Boukoul) is 'n kèrkdörp in de Nederlandse gemeinte Remunj, toet 2007 ongerdeil van de veurmalige gemeinte Zjwame, gelaege in de provincie Limburg. De Boekoêl haet ongeveer 970 inwoners en zo'n 400 hoezer. 't Dörpke is riek aan natuursjoon (bös). Dao bevinje zich versjillende monumentale historische geboewe ('n bezonjer fraai kesteel en inkele veurname boerehaofstaej/landjhoezer), mer ouch de restante van 'n aaj Romeinse waeg.

• Reste vanne Romeinse waeg van Haerle nao Xanten, aanne zuidoosrandj vanne gemeinte, tösse de landjgojer Blankwater en Zuidewijck Spick te Boukoul.
• Kasteel Hillenraad, veural oet de 17e /18e eew, vormt wiedoet de belangriekste bezeenswaerdigheid. 't Is ein vanne sjoonste waterkastele in Nederland, mit veer hooktores en omringdj door grachte. Hillenraad waerd al genump in 1392. Dit rieksmonument, gelaege in 't bos biej 't kèrkdorp de Boekoel, waert nag bewoond en is neet veur publiek toegankelijk, mer kin van boetenaaf waargenomme waere.
• Kesteelboerderie Zuidewijck Spick, edelmanshoes oet de 17e /18e eew (rieksmonument). Deze "Spijker" (Spiek) waerde al genump in 1463.
• Graeterhof, oorspronkelijk 'ne hoeve, sins de tweede hèlf vanne 19e eew 'n landjhoes.

De kèrk waerde in 1935 nao ontwerp van Joseph Franssen geboewd. In 1945, 'n paar daag veur de bevriejing van de Boekoêl, waerde de tore opgeblaoze. De kerk waerde in 1946-1947 in de aje toestandj herstèld.

Oppe Boekoêl geuf 't versjillende vereiniginge wo-onger:

• Handjbaogvereiniging Soranus (link site)
• Foetbalvereiniging VV Boekoel (link site)
• Hermenie Amecitia (link site)
• Carnavalsvereiniging Cv de Kwekkerte (link site)
• Jeugdcarnavalsvereinigingen de Kuulköpkes (link site)
• Jeugdcarnavalsvereinigingen de Hoeskwakers (link site)
• Buurtvereniging H Theresia Boekoel (link site)

Gemeinte Remunj
Sjtad: Remunj
Dörper: Azeraoj · Herte · Neel · Leeve · Maerem · Oeal · Zjwame
Gehuchte en naobersjappe: Ane Riekswaeg · Assel · De Broekhin · De Boekoel · De Rao · De Sjpik · De Weerd · Drusushaof · 't Inj · Ganzebrook · Gebrook · Hateboer · De Hei · Kitskesberg · 't Maolbrook · Marina-Oolderhuuske · Meneerkes · De Noteboum · Offerkamp · Roer · 't Sjteel · Sjtraot · Thuserhaof · Wielder