Tomba de pasaje
Un tomba de pasaje es composada de un o plu cameras de entera covreda en tera o con petras, e con un pasaje magra de entra fabricada de petras grande. Esta strutures dati tipal de la eda neolitica, e es trovada xef en Europa ueste. Cuando covreda en tera, un tomba de pasaje es un tipo de tumulos trovada en multe formas en locas variosa de la mundo.
La construi de tombas de pasaje ia es normal fada con megalitos con petras peti. La plu temprana pare como dolmenes peti. La pasaje mesma, en alga casos, es aliniada afin la sol brilia tra la pasaje a la camera a un tempo sinifiante, comun a la leva de sol a la solstisio o la reposa de sol a la ecuinote. Multe tombas de pasaje ia es construida a la culmina de colinas o montes, indicante ce la construores ia intende ce los pote es videda de un distante grande,
La interna de tombas de pasaje varia en la cuantia de enteras, la formas, e otra aspetas. Los con plu ca un camera pote ave su-cameras multiple sortinte de la camera xef. Un interna comun, la tomba de pasaje en la forma de un crus, an si ante le era cristian, e no ave cualce asosias cristian, Alga tombas de pasaje es covreda con petras peti, spesial los cual dati de edas plu tarda. Tombas como esta ave frecuente mensulas detaliosa en loca de blocos simple. Desinias ia es siselida en la petras a alga locas. No tota "tombas" ia es usada como enteras.
La tradision de la tomba de pasaje es suposada como orijina en la rejion franses de Bres. Lo ia es introduida a otra rejiones como Er par colonistes de Bres.