Stepe

En jeografia fisical, un stepe (rusce: степь) es un ecorejion, en la biomas de savanas e boscas de arboretas a la montanias e planos, sin arbores estra los prosima a rios e lagos. Stepes es ance nomida "planos" e "prados", e "veld" en Sudafrica. La cuantia de plantas pote varia par latitude e saison. La nom es ance usada per rejiones tro seca per un foresta, ma no sufisinte seca per es nomida un deserto.

Stepes es tipal marcada par un clima continental o semiseca. Estremas pote es recordada en la estate a 45º e en la inverno a -55º. Ance, la diferes entre dia e note pote es grande. Per esemplo, en la montanias de Mongol e Nevada norde, on pote ave 30º en la dia e su-zero en la note seguente.

La stepes de latitude media pote es resomada par estates calda e invernos fria, con un promedia de 250 a 510 mm de presipita anial. La presipita no es la sola marca de un clima de la stepe: on debe ance considera posible evapora e transpira de plantas.

• 
  La estende de la stepe eurasian
• 
  La stepe en Ucraina
• 
  La stepe en Mongol