Retil

Retiles es vertebratos tetrapodal, con o cuatro gamas o, como serpentes, ia es desendeda de asendantes con cuatro gamas. La protoretiles la plu temprana ia esiste sirca 312 milion anios ante aora en la periodo carboniferosa, e es evoluida de reptiliomorfos avansada cual ia deveni sempre plu ajustada a abita sur tera seca.

No como afibios, retiles no ave un fase larval acual. La plu retiles es oviparos, an si alga spesies de scuamatos es vivparos, e ance alga grupos acual estinguida. Como amniotas, ovos de retiles es protejeda par membranas, cual ajusta los per reprodui sur tera seca. Multe de la spesies viviparal nuri sua fetos tra formas variosa de plasenta simil a los d mamales, con alga spesies furninte cura inisial per la enfantes nova. Retiles esistente pote es trovada tan peti como un geco (sferodatilo ariase) cual pote es 17 mm, a la crocodil de mar (crocodil poroso) cual pote ateni 6 m e pesa plu ca 1000 kg.

vide ance:

• Tortugas
• Crocodilias
• Lezardos
• Serpentes
• Dinosauros

La clasi a la nivel de ordina de la retiles, seguente Benton, 2014.^[1][2]

• clase Reptilia
  • † suclase Parareptilia
    • † ordina Pareiasauromorfo (erbivores spesa)
  • suclase Eureptilia
    • † ordina Younginiformos (peti retiles, salamandrin)
    • ordina Testudinato (tortugas)
    • infraclase Lepidosauromorfo
      • • † ordina Ictiosaurio (retil de mar)
        • † ordina Talatosaurio (retil de mar)
      • supraordina Lepidosauriformo
        • ordina Rincosefalio (tuatara)
        • ordina Scuamato (lezardos e serpentes)
      • † infrasuclase Sauropterijio (retiles de mar)
        • † ordina Placodontio (retil tortugin)
        • † ordina Eosauropterijio (retil de mar con colo multe longa)
        • † ordina Plesiosaurio (retil de mar con colo longa)
    • infraclase Arcosauromorfo
      • † ordina Rincosaurio (erbivor)
      • † ordina Protorosaurio (abitante de arbores)
      • † ordina Fitosaurio (xasor crocodilin)
      • divide Arcosauriformo
        • sudivide Arcosaurio
          • supraordina Crocodilomorfo
            • ordina Crocodilio
          • infradivide Avemetatarsalio
            • infrasudivide Ornitodiro
              • † ordina Pterosaurio (dinosauro volante)
              • supraordina Dinosaurio
                • ordina Saurisci (dinosauros, incluinte aves, la sola survivores)
                • † ordina Ornitiscio (dinosauros, tipal erbivores)

1. ↑ Benton, Michael J. (2005). Vertebrate Palaeontology (edita 3). Oxford: Blackwell Science Ltd. ISBN 978-0-632-05637-8. {{cite book}}: Sita ave parametre nonconoseda: |1= (aida)Manteni de CS1: data autotraduida (link)
2. ↑ Benton, Michael J. (2014). Vertebrate Palaeontology (edita 4). Oxford: Blackwell Science Ltd. ISBN 978-0-632-05637-8. {{cite book}}: Sita ave parametre nonconoseda: |1= (aida)Manteni de CS1: data autotraduida (link)