Linguas iuci-uapo
La linguas iuci-uapo (yuki-wappo, o yukian) es un familia peti de California ueste composada de du linguas distante relatada, ambos aora destinguida.
La linguas pote es, con la linguas txumaxan e posible la linguas de Baja sude como la linguas uaicuri, un de la familias la plu vea en California, ante la arivas de parlores de la linguas penutian, linguas uto-asteca, e an linguas hocan. La popla uapo e iuci ia es vera distinguida cultural e an en tipo fisical.
Alga evidentes sujeste ce la du linguas ia separa sirca 2000 - 1000 aec. Parlores de uapo pote ia separa de iuci como la resulta de migras de la popla pomoan. La migra uapo a la Vale Alexander en la sentenio 19 ia es causada par un gera con la pomo sude. La diferes entre uapo e iuci es partal la resulta de la interata de uapo con la pomo.
Iuci ia ave un sistem de conta basida sur oto, e conta cosas usante la cuatro spasios entre sua ditos en loca de usa la ditos mesma. Lo ia ave un vocabulo grande per la plantas de Contia Mendocino en California.
Uapo ia ave un morfolojia rica en formulas verbal. Lo ave sinco categorias de tempo/aspeta: abitual/progresante, stativa, pasada, comensante, e futur. Prefisas es ance ajuntada a formulas verbal: Du prefisas indica si la dirije de la move de la verbo es a la parlor o de la parlor (o a la escutor). Lo ance ave particulos preverbal per indica modos de desira e espera. La predica en uapo es final.
Uapo ave un sistem de casos rica cual usa sufisas per marca caso:
- nominativa
- dativa ("a")
- beneficante ("per")
- strumental ("con" de strumento)
- comitative ("con" de coopera)
- jenetiva ("de" de posese)
- locativa ("a/en")