Jord

En mitolojia norsce antica, Jord (norsce vea jǫrð, "tera") es un jotun fema, e posible un diva, e la personi de la tera. Sua otra nomes inclui Fiorgyn e Hlodyn. En la Gylfaginning, la prima parte de la Edda prosal, el es descriveda como la fia de Annar e Nott (la diva de note, ci ia produi tre fias par tre sposos) e la duisore de Aud e Dag (la diva de dia). Jord es ance descriveda como un amor de Odin e la madre con Odin de Tor. En la Lokasenna en la Edda poesial, Tor es nomida Jardar burr, pd fio de Jord.

Jord es un parola comun per tera en norsce vea, e es la asendente de parolas per tera en la linguas scandinavian, e la conaseda de la parola en la otra linguas germanica: islansce jörð, faroisce jørð, dansce, svensce, e norsce jord, engles earth (de engles vea eorðe), deutx erde, nederlandes aarde, frisce ierde.