Criti
| Criti Κρήτη Kríti | |||
 Foto de Criti par NASA | |||
| |||
| Informa jeneral | |||
| Pais: | Elas | ||
| Rejion: | Criti | ||
| Capital: | Iraklio | ||
| Site la plu grande: | Iraklio (popla 224 253) | ||
| Deomografia | |||
| Demonim: | Critica | ||
| Popla: | 623 065 (2011) | ||
| Densia: | 92,94 | ||
| Jeografia | |||
| Loca: | Mediteraneo este | ||
| Coordinada: | 35°12.6′N 24°54.6′E | ||
| Area: | 8303 km² | ||
| Altia la plu grande: | 2456 m | ||
| Loca la plu alta: | Psiloritis | ||
Criti (elinica: Κρήτη, Kríti, AFI: ['kriti]; elinica antica: Κρήτη, Krḗtē) es la isola la plu grande e la plu poplada de la isolas elinica, la numero 88 de la plu grandes en la mundo e la numero 5 de la plu grandes en la Mar Mediteraneo, pos Sisilia, Sardinia, Cipros e Corse. Criti e alga isolas e isoletas cual ambie lo constitui la rejion de Criti (elinica: Περιφέρεια Κρήτης), un de la 13 unias manejal de Elas. La capital e site la plu grande es Iraklio. En 2011, la rejion ia ave 623 065 abitores.
Criti es un parte importante de la economia e erita cultural de Elas, an cuando lo reteni sua propre cualias cultural (pe sua propre poesia e musica). Lo ia es la sentro de la Sivilia Minoan (sirca 2700-1420 aec), cual es corente regardada como la sivilia la plu prima en Europa.[1]
Nom
[edita | edita la fonte]On refere prima a la isola como Kaptara en testos de la site suri de Mari de la sentenio 18 aec,[2] cual on repete pos en arcivos neoasirian e en la Biblia (como Caftor). Lo ia es ance conoseda en egiptian antica como Keftiu, cual sujesta forte un nom minoan simil per la isola.[3]
On pensa ce la nom presente de Criti ia es atestada prima en testos elinica mycenaean cual ia es scriveda en Linial B, de la parolas 𐀐𐀩𐀳, ke-re-te (*Krētes; elinica plu tarda: Κρῆτες, plural de Κρής), e 𐀐𐀩𐀯𐀍, ke-re-si-jo (*Krēsijos; elinica plu tarda: Κρήσιος), "critica". En elinica antica, la nom Criti (Κρήτη) ia apare prima en la Odisea par Homero. La etimolojia de lo es nonsabeda. Un proposa es ce lo es derivada de un parola luvia ipotesal *kursatta (compara con kursawar "isola", kursattar "talia, ageta"). En latina, lo ia deveni Creta.
La nom prima arabi de Criti ia es Iqrīṭiš (en arabi: اقريطش < (της) Κρήτης), ma pos la amiria de Criti ia fundi sua capital nova a ربض الخندق Rabḍ al-Ḫandaq (cual es aora Iraklio), e la site e la isola ia deveni conoseda como Χάνδαξ (Khandhax) o Χάνδακας (Khandhakas), cual dona la latina e venezian Candia, de cual on deriva la franses Candie e la engles Candy o Candia. Su governa osmanian, en la lingua turces osmanian, Criti ia es nomida Girit (كريت).
Referes
[edita | edita la fonte]- ↑ Ancient Crete Oxford Bibliographies Online: Classics (en engles)
- ↑ Stephanie Lynn Budin, The Ancient Greeks: An Introduction (New York: Oxford UP, 2004), 42.
- ↑ O. Dickinson, The Aegean Bronze Age (Cambridge, UK: Cambridge UP, 1994), 241–244.