Сарир

Сарир — юкьван виш йисарин девирда сувун Дагъустанда хьайи авар гьукумат ^[1]. VI виш йисалай XI виш йисалди амукьайди я. Гьукуматдин вини къатари христианвилиз ибадат ийизвай.

Гьукуматдин тӀвар, арабри чкадин гьакимдин титулдиз гайи гафуникай арадал атанва: сагьиб ас-сарир — яни «тахтунин сагьиб» ^[2].

Кефер пата Сарир уьлкве Хазариядихъ галаз, кьибле пата — Дербентдихъ галаз, рагъакӀидай пата — Аланиядихъ ва вайнахрин Симсим гьукуматдихъ галаз, кьиблединни-рагъакӀидай патани гуржи пачагьвилерихъ галаз са сергьятра авай. Чи йикъарив агакьай тарихдин гъиливкхьинра Сарир уьлкве пара агьалияр авай, пара къелеярни хуьнуьхуьнин минараяр авай гзаф къуватлу уьлкве хьиз гьатнава. Адан кьилин шегьер Хумрадж тир (къенин Хунзах хуьр я).

Цуькведа авай вахтунда Сарир уьлкведин гьукумдик Дагъустандин сувун пад, аран пад, гьакӀни къунши уьлквейрин чилер акатнавай.

• Абухисро (740 йис)
• Аваз (IX виш йисан кьведлагьай пай)
• Бухт-Йишо I (905 йис)
• Филан-шагь (940—950 йисар)
• Бухт-Йишо II (1025—26 йисар)
• Фируджа
• Токку (1065 йис) — Фируджадин хва я

• Магомедов Р. М. История Дагестана: Учебное пособие; 8 кл. — Махачкала: Изд-во НИИ педагогики, 2002.
• Агаларов М. А. Народы Дагестана. — 2002.
• Бейлис В. М. Из истории Дагестана VI—XI вв // Известия Института Востоковедения. — Ленинград, 1963.
• Минорский В. Ф. История Ширвана и Дербента. — М.,1963
• Атаев Д. М. Нагорный Дагестан в раннем средневековье (по материалам археологических раскопок Аварии). Махачкала, 1963
• Тахнаева П. И. Христианская культура средневековой Аварии (VII—XVI вв.) в контексте реконструкции политической истории. Махачкала, 2004
• Айтберов Т. М. И аварский язык нуждается в государственной поддержке // Журнал «Народы Дагестана». 2002. № 5. С. 33 — 34
• Магомедов Мурад Походы монголо-татар в горный Дагестан // История аварцев. — Махачкала: ДГУ, 2005. С. 124