Maastricht

Maastricht
Maastricht
Land	Holland
Provënz	Limburg
Awunner	120.227 (1. Januar 2021)
Fläch	60,06 km²
Koordinaten	50°52'N, 5°41'O
Telefonszon	043
Postcode	6200–6229
Websäit	https://www.gemeentemaastricht.nl/

Maastricht ass d'Haaptstad vun der Provënz Limburg, am Süde vun Holland. Maastricht huet ronn 123.000 Awunner (2023) an ass déi eelst Stad vun Holland. Si ass op der Plaz entstane, wou e Kiem en Iwwergank iwwer d'Meuse hat. Vun de Réimer gouf déi Plaz Mosae Trajectum genannt. D'Bréck vu Maastricht war e wichtege Punkt um Wee vu Gallien a Germanien. Déi al Réimerbréck war am 13. Joerhonnert baufälleg ginn, an dofir gouf e puer honnert Meter dovu géint 1280 eng nei Bréck gebaut, déi haut nach do steet, d'Sint Servaasbréck. Maastricht huet eng Universitéit, déi 1976 gegrënnt gouf an déi déi jëngste vun Holland ass.

Bekannt gouf Maastricht an de leschte Joren duerch de Maastrichter Vertrag vum 7. Februar 1992.

Geographie

Maastricht läit un der Meuse an um Jeker

Kuckeswäertes

De Hoge Brug
Gare vu Maastricht mat senge Bleiverglasungen iwwer dem Haaptportal.
Sint Servaasbréck, déi eelst Bréck an Holland.
D'Statu vum Jan Pieter Minckeleers an der Boschstraat

Ekonomie an Infrastruktur

D'Maastrichter Gare gëtt vun Zich vun der hollännescher NS, der Arriva an der belscher NMBS/SNCB ugefuer. Zich fueren op Amsterdam, Kerkrade a Léck.

Duerch Maastricht leeft d'Autobunn A 2 déi vun der belscher Grenz bei Visé bis op Amsterdam féiert. Den Deel duerch Maastricht war ëmmer d'Ursaach vu Verkéiersstëpp well se do net kräizungsfräi war. 2006 goufen do Aarbechten am Kader vun engem neien Infrastrukturplang ugefaangen. Et goufen en ettlech Foussgänger- a Vëlosbrécken ersat oder neigebaut, an am Laf vum Fréijoer 2012 hunn d'Aarbechte vun der Tunneléierung vun der A2 ugefaangen an den Tunnel ass zanter 2016 a Betrib .

Literatur

Um Spaweck

Commons: Maastricht – Biller, Videoen oder Audiodateien