Budapest

D'Stad Budapest ass an zwee gedeelt a gëtt duerch d'Donau getrennt. Zwéin Drëttel vun der ganzer Fläch vun der Stad leien op der Pester Säit vun der Donau, een Drëttel op der Budaer Säit.

Budapest ass verwaltungstechnesch an 23 Bezierker agedeelt.

D'Geschicht vu Budapest, am Mëttelpunkt vun Ungarn, ëmfaasst ongeféier 700 Joer. Als éischten Herrscher huet de Béla IV. um Ufank vum 13. Joerhonnert e Palais um Budaer Buergbierg baue gelooss.

1867 am Ufank vun der Epoch vun der keeserlecher a kinneklecher éisträich-ungarescher Duebelmonarchie hunn zu Budapest knapps 300.000 Leit gelieft, déi meescht dovun op der Pester Säit. D'Stad ass lues a lues eng europäesch Metropol ginn.

Um Enn vum éischte Weltkrich war d'Duebelmonarchie zerfall an d'Ekonomie zerstéiert.

1873 goufen déi dräi Staddeeler Buda, Pest an Óbuda zu enger eenzeger Stad zesummegedoen a bis zum 19./20. Joerhonnert huet d'Awunnerzuel sech verduebelt.

Zu Budapest liewe bal 2 Millioune Mënschen, dat heescht all fënneften Awunner vun Ungarn.

• Am Buergpalais, deen am Buergquartier läit, fënnt ee wichteg Muséeën.
• Am imposante Gebai vun der Zentraler Maarthal kritt ee vum alldeegleche Geméis bis zum exotesche Gewierz alles ze kafen.
• Am Parlament kann een d'Helleg Kroun a Kréinungsinsigne kucke goen.
• D'Schlass Gödöllö ass dat zweetgréisst Barockschlass vun der Welt.
• Am Ungaresche Nationalmusée fënnt een alles iwwer d'ungaresch Geschicht vun der Besiidlung duerch d'Ungare bis zur Neizäit.
• D'Synagoge an der Dohány Strooss ass déi gréisst an Europa.
• Vun der Kuppel vun der St. Stephans Basilika, der gréisster Kierch vu Budapest, huet een e schéine Panorama.