Vierendeelbréck

Dëse Bréckenartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Eng Vierendeelbréck ass eng Bréck, déi mat Vierendeelträger gebaut ass. Et ass eng speziell Form vun Dunnebréck.

E Vierendeel-Träger ass en Träger aus véiereckege Rummen ouni Diagonalverstriewungen.

E kann am arméiertem Bëtong sou wéi d'Soyer-Bréck zu Tournai (mam Bou ënner der Fuerbunn) oder, wéi déi meescht, aus Stol (mam Bou iwwer der Fuerbunn) sinn.

E gouf nom belschen Ingenieur Arthur Vierendeel (1852-1940) genannt.

Déi éischt Vierendeelstroossebréck war aus Stol, an ass iwwer d'Schelde tëscht Avelgem a Ruien am Joer 1904 gebaut ginn.

Déi Brécke sinn an der Belsch haaptsächlech als Eisebunnsbrécke gebraucht ginn. Vun 1939 un huet ee se bal iwwerall iwwer den Albertkanal gesinn.

Duerch d'Vergréisserung vum Kanal sinn der vill verschwonnen.

Dacks erkennt ee se net direkt erëm, well der vill ofgeronnte Strukturen hunn an dofir gär mat Boubrécke verwiesselt ginn.

Plaz	Baujoer	Geet iwwer	Zoustand	Artikel op Wikipedia	Koordinaten	Biller
Adinkerke	1950	Kanal Nieuwpoort-Duinkerke	A Betrib		51° 04’ 20.19’’ N       02° 36’ 12.56’’ O
Anderlecht	1931	Kanal Charleroi-Bréissel	Eisebunnsbréck a Betrib	Vierendeelbréck vun Anderlecht	50° 50’ 17.54’’ N       04° 19’ 05.53’’ O
Avelgem / Ruien	1906	Escaut	Déi Bréck war déi éischt Stroossebréck vun deem Typ. Gouf am Éischte Weltkrich zerstéiert an d'selwecht opgeriicht. Gouf am Zweete Weltkrich nees zerstéiert an als Vierendeel-Boubréck nees opgeriicht	Bréck vum Waterhoek	50° 46’ 27.2’’ N       03° 28’ 20.6’’ O
Brugge	1933	Kanal Gent-Brugge-Zeebrugge	Dréibréck a Betrib bis 2009, gouf du mat enger Kippbréck ersat	Scheepsdalebrug	51° 13’ 8.60’’ N       03° 12’ 34.78’’ O
Deinze	1930	Leie	1940 gesprengt	Guido Gezellebrug
Gellik	1938	Albertkanal	Monument		50° 52’ 44.35’’ N       05° 36’ 52.96’’ O
Gent	1934	Tolhuisdok	Stroossebréck, 1940 gesprengt	Muidebrug	51° 04’ 13.28’’ N       03° 43’ 49.06’’ O
Hasselt	1936	Albertkanal	Gouf 1982 mat Bow-string-Brécken ersat	Brécke vun Hasselt	50° 56’ 32’’ N       05° 20’ 34’’ O
Herstal / Wandre	1935 bis 1938	Albertkanal Meuse	D'Bréck vun 1938 huet eng al Bréck vun 1884 ersat déi wéinst dem Bau vum Kanal ewechgerappt gouf. Si huet aus engem Deel mat engem Feld iwwer dem Kanal bestanen an en Deel mat dräi Felder iwwer d'Meuse an hat eng Totallängt vun iwwer 200 m. Se goufe vun den Usines de Braine-le-Comte a vun den Ateliers Cockerill vu Seraing gebaut. D'Brécke goufen am Zweete Weltkrich gesprengt an nom Krich mat Bow-string-Brécken ersat, déi hierersäits 1989 vun der häiteger Breck ersat goufen.	Bréck vu Wandre	50° 40’ 26.84’’ N       05° 38’ 36.73’’ O
Kanne	1939	Albertkanal	ofgerappt (2004/2005)	Bréck vu Kanne	50° 48’ 38.2’’ N       5° 40’ 16.4’’ O
Laeken	1942	Kanal vu Willebroek	Eisebunnsbréck a Betrib	Vierendeelbréck vu Laeken	50° 52’ 30.1’’ N       04° 21’ 44.3’’ O
Lanaye	1935	Albertkanal	ofgerappt (1982)	Bréck vu Lanaye	50° 47’ 2.3’’ N       5° 41’ 19’’ O
Léck (Coronmeuse)	1934	Albertkanal	1981 mat enger Bow-stringbréck ersat	Marexhe-Bréck	50° 39’ 17’’ N       05° 37’ 21’’ O
Léck (Île Monsin)	1938	Kanal vu Monsin	a Betrib als Eisebunnsbréck		50° 40’ 03.31’’ N       05° 38’ 31.07’’ O
Léck (Val Benoît)	1935 1942	Meuse	Et gouf zwou Vierendeelbrécken op där Plaz eng vun 1935 mat 2 Béi an eng vun 1942 mat 3 Felder wouvun dat mëttels e Veirendeelbou hat.	Eisebunnsbréck vum Val Benoît	50° 37’ 2’’ N       5° 34’ 46’’ O
Meerhout	1939	Albertkanal	D'Bréck gouf 2010 mat enger Bow-string-Bréck ersat. Déi al Vierendeeldunne stinn als Monument nieft dem Kanal	Bréck vu Meerhout	51° 06’ 27.30’’ N       05° 03’ 10.92’’ O
Oeselgem	1910	Leie	Am 2. Weltkrich gesprengt, mat enger neier Hänk-Boubréck ersat		50° 56’ 00.26’’ N       03° 26’ 01.37’’ O
Vivegnis	1935 (± 1)	Albertkanal	Gouf géint 1963 op eng Plaz 1 km nërdlech vun der Originalplaz geréckelt, an 1984 mat enger Bow-stringbréck ersat.	Bréck vu Vivegnis	50° 41’ 46.45’’ N       05° 39’ 33.22’’ O 50° 42’ 14.67’’ N       05° 39’ 57.77’’ O

Commons: Vierendeelbréck – Biller, Videoen oder Audiodateien