Emile Frantz

Emile Frantz
Gebuer	19. Mee 1910 Villerupt
Gestuerwen	22. Mee 1996
Nationalitéit	Lëtzebuerg
Aktivitéit	Ringer

Den Emile Frantz, gebuer den 19. Mee 1910 zu Villerupt, a gestuerwen den 22. Mee 1996 zu Esch-Uelzecht, war e lëtzebuergesche Ringer an Olympionik.^[1]

Hien huet Lëtzebuerg op den Olympesche Summerspiller 1928 zu Amsterdam vertrueden.^[2]

Hie gouf den 9. September 1942 vun den Nazie verhaft a koum an d'KZ Natzweiler-Struthof. Do war hien de Prisonéier mat der Nummer 2224 bis hien de 5. September 1944 an d'KZ op Dachau koum wou hien de Prisonéier mat der Nummer 111072 war.^[1]

Zu Natzweiler huet den Emile Frantz Frëndschaft mam Osmund Faremo vun der norwegescher Resistenzorganisatioun Milorg geschloss.^[1]

Am Buch 'Takk for livet. Emil,' (op lëtzebuergesch: Merci fir mäi Liewen, Emil) dat den Osmund Faremo 1997 publizéiert huet, beschreift hie wéi den Emile Frantz him e puermol zu Natzweiler gehollef huet z'iwwerliewen.^[1]

• Portal Sport
• Lëscht vu lëtzebuergesche Sportler
• Lëscht vu lëtzebuergeschen Olympionicken
• Lëtzebuergesch Sportler vum Joer

• Der Standhafte aus dem Setesdal (de) Dem Osmund Farema seng Erliefnesser an däitscher Gefaangenschaft wou och den Emile Frantz ernimmt gëtt.

1. ↑ ^{1,0 1,1 1,2 1,3} Den Emile Frantz op der Websäit vu sports-reference.com
2. ↑ Den Emile Frantz op der Websäit vun der 'Association Luxembourgeoise des Olympiens'