GeoStar

De GeoStar ass e Satellittebus fir kleng a mëttelgrouss Kommunikatiounssatellitte vun der amerikanescher Orbital Sciences Corporation.

Orbital fabrizéiert op de Grondlage vum Design fir de Client divers Notzlaaschten, déi op déi jeeweileg Ufuerderungen zougeschnidde sinn. Et ass kompatibel mat diverse Startsystemer a ka beispillsweis mat den Drorakéiten Atlas V, Ariane 5, Falcon 9 an Proton gestart ginn. De STAR-1 gouf am November 1997 bei IndoStar 1 fir d'éischt Kéier agesat an zanterhir an der verbesserter Versioun STAR-2^[1] benotzt. 2011 gouf de Satellittebus an GeoStar ëmbenannt. Den éischte Satellit, deen ënner dësem Numm gestart gouf, ass den SES-8. Fir eng weider iwwerschaffte Versioun, nämlech den GeoStar-3, sinn nach 3 weider Satellitte bestallt.

D'Grondstruktur vun den dräiachsestabiliséierte Satellitten huet eng Gréisst vun 1,75 m × 1,7 m × 1,8 m a besteet aus Aluminiumlegierungen a Verbondmaterialien. D'Eidelmass ass ëmmer 558 kg. D'Energieversuergung vum Satellit a senger Notzlaascht gëtt vun Galliumarsenid-Solarzelleflächen, déi bis zu 5 kW Leeschtung (an de spéidere Versioun bis zu 7,5 kW) bilden, zwee 4,84 kWh Lithium-Ionen-Akkumulatoren an ee 24-36 V-Gläichspannungs-Bussystem geséchert. Als Undriff kënnt am Orbit en Hydrazindreifwierk zum Asaz. D'Steierung iwwerhëlt e Prozessor MIL-STD-1750A mat engem MIL-STD-1553B- Bussystem. Fir d'Lagereegelung ginn Äerd- resp. Sonnesensoren an optional Stäresensoren agesat. D'Liewenserwaardung fir d'Satellitte gëtt mat 15 Joer uginn.^[2]

Portal Astronomie

• Orbital:(en) STAR Bus Hosted Payload Factsheet, PDF mat 640 kB)
• Encyclopedia Astronautica: (en) STAR bus
• Gunter’s Space Page: (en) STAR-1, STAR-2 (GeoStar-2), STAR-3 (GeoStar-3)

1. ↑ The Growth of Orbital Sciences and the Market for Small GEO Satellites; Christopher W. Richmond; Senior Vice President, Orbital Sciences Global Communications
2. ↑ STAR Bus Factsheet (Orbital) (PDF; 2,1 MB)
3. ↑ ^{3,0 3,1} Steven Clark: (en) Launch Schedule
4. ↑ (en) Galaxy 30 bei Gunter's Space Page