Autobunnsraschtplaz

Eng Raschtplaz um Bord vun der däitscher Autobunn 13, zu Freienhufen (Brandenburg).

Eng Autobunnsraschtplaz (dacks gekierzt: Raschtplaz) ass eng Serie vun Infrastrukturen déi laanscht den Autobunne sinn, fir datt Chaufferen do raschte kënnen. Se si mat Parkplazen ekipéiert, an hu jee nodeem och Picknicksdëscher, Poubellen, Toiletten, eng Spillplaz fir Kanner, Restauranten, eng Bensinnsstatioun, eng Luetstatioun fir elektresch Gefierer, an een oder méi Butteker.

Situatioun zu Lëtzebuerg

De Lëtzebuerger Code de la route definéiert eng Raschtplaz ((fr) Aire de service) als eng Plaz déi um Bord vun enger Autobunn oder enger Strooss fir motoriséiert Gefierer amenagéiert ass, déi fir de Public zougänglech ass a wou ee raschten an / oder tanke kann.

Originaltext aus dem Code de la route

Artikel 2 – 1.15^[1]« Aire de service: aire de repos et/ou de ravitaillement ouverte à la circulation publique et aménagée en bordure d’une autoroute ou d’une route pour véhicules automoteurs. »

Autobunnsraschtplazen zu Lëtzebuerg


Autobunn	Richtung	Raschtplaz	KP	Koordinaten	Gemeng	Pëtrolsfirma	Cafeteria / Restaurant	Aner Servicer
A1	Däitsch Grenz	Aire de Wasserbillig	35,50	49° 43’ 37.5’’ N 06° 29’ 30.8’’ O	Mäertert	TotalEnergies^[2]	Burger King
A1	Lëtzebuerg	Aire de Wasserbillig	35,50	49° 43’ 42.0’’ N 06° 29’ 26.9’’ O	Mäertert	TotalEnergies^[3]	Café Bonjour
A3	Franséisch Grenz	Aire de Berchem	5,25	49° 32’ 33.5’’ N 06° 07’ 03.0’’ O	Réiser	Aral^[4]	Philéas L'Arche
A3	Lëtzebuerg	Aire de Berchem	5,25	49° 32’ 29.8’’ N 06° 07’ 07.8’’ O	Réiser	Shell^[5]	Starbucks McDonald's
A4	Esch-Uelzecht	Aire de Pontpierre	8,20	49° 32’ 55.5’’ N 06° 02’ 41.6’’ O	Monnerech	TotalEnergies^[6]		Bankomat
A4	Lëtzebuerg	Aire de Pontpierre	8,70	49° 32’ 39.5’’ N 06° 02’ 24.5’’ O	Monnerech	Esso^[7]
A6	Belsch Grenz	Aire de Capellen	16,00	49° 38’ 13.6’’ N 05° 58’ 18.2’’ O	Mamer	Aral^[8]	Panos Street Food Burger & Kebab	Bankomat
A6	Lëtzebuerg	Aire de Capellen	16,00	49° 38’ 06.2’’ N 05° 58’ 10.5’’ O	Mamer	BP^[9]	Dunkin' Burger King