Prince

Prince
Gebuertsnumm	Prince Rogers Nelson
Pseudonym	Prince, Jamie Starr, Alexander Nevermind, Joey Coco, Camille
Gebuer	7. Juni 1958 Minneapolis
Gestuerwen	21. Abrëll 2016 Chanhassen
Nationalitéit	USA
Aktivitéit	Filmschauspiller, Sänger, Filmregisseur, Liddermécher, Dréibuchauteur, Museksproduzent, Filmkomponist, Filmproduzent, Dänzer, Gittarist, Komponist, Schauspiller
Famill
Bestuet mat	Mayte Garcia, Manuela Testolini
Papp	John L. Nelson
Mamm	Mattie Shaw
Geschwëster	Tyka Nelson

De Prince, gebuer de 7. Juni 1958 zu Minneapolis am Minnesota als Prince Rogers Nelson, a gestuerwen den 21. Abrëll 2016 zu Chanhassen, och am Minnesota, war en US-amerikanesche Sänger, Komponist, Songwriter, Museksproduzent a Multiinstrumentalist.

De Prince war vun 1978 un am Musekbusiness. Virun allem an den 1980er Joren huet hie mat senger Kombinatioun vun ënnerschiddleche Musekstiler déi international Musekszeen influenzéiert. Seng Musek geet vun R&B, Funk, Soul, Pop a Rock iwwer Blues bis hin zum Jazz. Hie schreift d'Texter zu senge Lidder, komponéiert an arrangéiert d'Musek, séngt se a spillt Instrumenter wéi Gittar, E-Bass, Piano, Keyboard a Batterie.

1984 hat hie säin internationalen Duerchbroch mam Film, der Single an dem Album Purple Rain. Aner Succèse vun him sinn When Doves Cry, Kiss, 1999, Little Red Corvette, Sign o' the Times, Let's Go Crazy oder Nothing Compares 2 U. Hien huet iwwer 100 Millioune Placke verkaf, siwe Grammye gewonnen, 1985 en Oscar fir déi bescht Filmmusek an 2007 e Golden Globe Award.

Zanter den 1990er Joren hat hie sech mat senge Plackefirme wéinst Auteursrechter vu senge Lidder an den Horen; vun 1993 bis 2000 huet hie seng Alben amplaz ënner sengem Numm ënner engem graphesche Symbol erausbruecht a gouf alt, faute de mieux, als The Artist Formerly Known As Prince bezeechent. Zanter 2000 ass hien awer nees als Prince opgetrueden.

De Prince huet offiziell knapps 900 Lidder geschriwwen, vun deenen der och eng Rëtsch vun aneren Artiste publizéiert goufen. Hien huet eng 40 eege Studiosalbumen erausbruecht.

Den 13. Juli 2011 hat hie säin eenzege Concert zu Lëtzebuerg, an der Rockhal.

• 1993: The Hits / The B-Sides
• 1993: The Hits 1
• 1993: The Hits 2
• 2001: The Very Best of Prince
• 2002: One Nite Alone… Live!
• 2006: Ultimate
• 2008: Indigo Nights

• Jake Brown: Prince In The Studio (1975-1995). Colossus Books, Phoenix 2010, ISBN 978-0-9790976-6-9.
• Jason Draper: Chaos, Disorder, And Revolution. Backbeat Books, New York 2011, ISBN 978-0-87930-961-9.
• Jason Draper: Prince - Life & Times. Jawbone Press, London 2008, ISBN 978-1-906002-18-3.
• Alex Hahn: Besessen - Das turbulente Leben von Prince. Hannibal, Höfen 2006, ISBN 3-85445-262-4.
• Ronin Ro: Prince - Inside The Music And The Masks. St. Martin's Press, New York 2011, ISBN 978-0-312-38300-8.
• Matt Thorne: Prince. Faber and Faber, London 2012, ISBN 978-0-571-27349-2.
• Uptown: The Vault - The Definitive Guide to the Musical World of Prince. Nilsen Publishing, Linköping 2004, ISBN 91-631-5482-X.

Commons: Prince – Biller, Videoen oder Audiodateien

• 3rdEyeGirl.com Offiziell Websäit vum Prince