Puerko

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El puerko, marrano o domuz (del latín sus scrofa domestica) es un animal domestiko delos porsinos ke sirve al umano para komer la su komida i zarzavates, es engodrado para ke el ombre koma la su karne. Es un manifero de Euvoasya, ke tiene kaji 13 000 anyos de antiguedad ke es aserkado kon el ombre, ay la kreyensia ke fue domestikado en la Antika Kina por vez primera, asegun alkunos otores.

Los puerkos ke afinkaron en la Evropa, yegaron de Asya Orientala, alkunos fueron misturados kon razas de djavali silvestre i otros kon otras razas de puerko paral a mejora dela karne; endagora ay puerkos en todo el olam, endemas ay en izlas de Mueva Zelanda, Hawai o izlas karibeanas ande los puerkos se trokaron salvajes.

Alkunas razas de puerko gozan de pelo i otras zon de poko pelo, el su osiko es de gueso huerte magzilar i dentes kaninos kon kolmiyos, rabo torsido i patas kon pezunyas huertes ke permiten korrer al animal.

El puerko es un animal yervivoro, kome zarzavat krudo i alkunas vezes lishos de zarzavat. Endemas ay alimento industrializado para puerkos ke zon engodrados en granjas de grande produksion karnika.

La karne de puerko es alimento del ombre, es engodrado para ser kumido, kaji todo el animal es aprovechado en su karne. La kuzina de munchos paizes es echa kon la karne del puerko, munchos produktos zon de karne de puerko komo la longaniza, el chorizo, el djamon, el tosino, la mantika o sevo de puerko, el salami, entre otros.

El puerko es amortado i azado para komer, ansina es la formas mas antika de komed su karne. La karne en trozos se yama kebab i es uzado para kuzinad puerko.

La pyel del puerko o kuero es uzada para azed fajos, chapines, guantes, maletas, zinchos, chaparreras i karteras; la grasa para pintar chapines, botas, zamarras i kalzas.

En la relijion djudia es enkonado komer la karne delos puerkos o marranos i todas las partes, es un animal taref o animal impuro, no es un produkto kashrut ke permite la ley de djudia porke es de pata partajada en dos pezunyas, endemas en otra relijion semitika komo el Islam tampoko se kome el puerko, es tambyen un animal impuro dentro dela alimentasion islamika.

Durante la edad medyana, los djudios eran apresentados kon mofas de puerkos, el arte apresenta en la arkitektura i pintura de paizes komo Almania. En la Espanya, se les yamo marranos por no komed karne de porko, ja ke el puerko endemas es ayamado marrano en kaltilyano.

En Amerika latina ay munchos anusim o marranos konversos al katolisizmo ke no komiano karne o lavorarono komo, kriadores de puerkos, matarifes i karniseros para enganyar a la iglezia i al santo ofisio para no komer porko, las sospeshas de ser djudaizante eran fuertes durante el governo espanyol en la Amerika; por eyo ay kuzina en la Mueva Espanya ande la karne de porko es emportante ingredyente komo las carnitas michoacanas, los chorizos de Toluca, las longanizas, los cueritos, el keso de puerko i los chicharrones.

Los kartunes para krios tienen munchos personajes de porkos afamados komo Porky de Hanna Barbera, Piglet de Winie the Pooh, Pigly wins de una televisora irlandeza.

Una puerkitika yamada i afamada komo Peppa pig es una imej o debusho animado para ninyos o krios ke ven la televisiyon.

• Mamiferos