Kriza de la Agua en Sivdad del Kabo

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Una sichita en la Provinsia del Kabo Oksidental de Afrika del Sud inisio enel anyo 2015, la kuala kavzo ke mankara muncha agua en la rejion, espesialmente en la sivdad kapitala, Sivdad del Kabo. Enel empesijo de 2018, kon los levelos de la agua en las reservas enbashados i esperando levelos kritikaente bashos para Avril, la sivdad izo publiko un plano para el "Diya Zero", ke es el diya enel kualo, si las reservas de la agua bashavan por enbasho de un limito definito, el sistema de agua de la sivdad iva ser amatado, aziendo ansina de Sivdad del Kabo a primera sivdad emportante del mondo en kedarse sin agua. ^[1] Por modre de teknikas para ekonomizar agua i muchiguamiento de kantidades de agua para los sitizenos, para Marso de 2018, la sivdad enchikesio la kantitad de agua uzada en un 50%, fina 500 milyones de litros de agua por diya, i para Djunio de 2018 estas teknikas i luvyas buenas ke muchiguaron la kantitad de agua en las reservas, las kualas kresieron fina un 43% de kapachita, izieron endjuntamente ke el governo de la Sivdad del Kabo anunsiara ke el "Diya Zero" ya no era una posibilidad en 2019.^[2] Dainda, las restriksiones de uzamiento de agua estan aktivas fina ke las reservas de agua seyan de 85%.^[3]

El Governo de Sivdad del Kabo esta fraguando katro plantas de desalinamiento, ansi komo muevos pozos de agua i una planta de tratamiento de agua uzada. En Jenero de 2018, estos prodjetkos se topavan en fraguamiento. Endemas de esto, la sivdad esta lavorando para edukar a los sitizenos para enchikeser la kantidad de agua ke uzan. Esto tiene enchikesido el gasto de agua en un 50% entre 2015 i 2018. ^[4]

• Day Zero and Water-related FAQs

1. ↑ Cape Town could be the first major city in the world to run out of water. USA Today
2. ↑ Chamber delighted by Day-Zero’s death. The Cape Messenger
3. ↑ Western Cape edges closer to an end to the drought as dam levels continue to rise. News24
4. ↑ Why Cape Town Is Running Out of Water, and Who’s Next. National Geographic