Karaimit

La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.

El Karaimit (lashon de Krimea: къарай тили: lashon de Trakai: Karaj tili, lashon de la Turkiya: Karay Dili) es una lingua turka kon enfluensia del ivrit, del mismo modo ke idish i la lingua djudeo-espanyola. Es avlada por los Karaitas de Krimea, tambien yamados Karaims o Qarays - karaitas de orijin turko en Krimea, Lituania, Polonia i Ukraina oksidentala. La lingua tiene solo 50 avlantes aktivos. Los tres lashones avlados son los de Krimea, Trakai-Vilna i Lutsk-Halych.

El lashon lituano del Karaimit es avlado espesialmente en la viya de Trakai por una chika komunita. En Trakai bivía el Gran Duke de Lituania i los Karaitas de Krimea fueron yevados a la viya por el Gran Duke Vytautas en la anyada de 1397 para defender el kastilyo. Egziste la shans de kela lingua seya defendida en Trakai por el entereso de los turistas i el apoyo del govierno de Lituania. Oy endiya egziste un muzeyo en Trakai, el kualo amostra la erensia kulturala de la komunita Karaita de Trakai, ansina komo restoranes de kumida Karaita.

Linguas djudias