Daghestania
Daghestania[1] (Russice Дагестан) vel pleniter Res Publica Daghestania[2] est res publica Foederationis Russicae anno 1921 creata et anno 2010 in Districtum Foederalem Septentrio-Caucasicum inclusa. In parte septentrio-orientali montium Caucasi prope Mare Caspium sita est. Nomen Daghestania de radice Turcico dag, i.e. mons, derivatum est et "terra montium" significat. Daghestaniae metropolis est urbs Machaczkala[3]; ceterae urbes magnae sunt Kislaria et Derbentum. Terekius et Kuma et Gerrhus flumina sunt rei publicae magna.
Daghestania
Civitas: Russia
Locus: 42°59′2″N 47°30′18″E
Nomen officiale: Республика Дагестан
Situs interretialis
Fines
Forma
Gestio
Consilium: People's Assembly of the Republic of Dagestan
Vita
Sermo publicus: Russica, lingua Aghulica, lingua Avarica, lingua Atropatenica, lingua Tsetsenica, lingua Darginensis communis, Cumucica, lingua Lakensis, lingua Lesghica, lingua Nogaica, lingua Rutulica, lingua Tabassaranica, lingua Tsachurica
Zona horaria: Tempus Mosquanum, UTC+3, Europe/Moscow
Commemoratio
Sigla
Tabula aut despectus
Historia condensata
recensereIn eius territorio civilizatio urbana iam per tria millennia duravit. Civitas prima litterata Imperium Urartum Transcaucasicum sub dynastia Cheldi a saeculo nono usque ad sextum a.C.n. ibi erat. Daghestania provincia eius borealis fuit. Ibi Urarti prisci ad litus Caspium portum navalem et urbem provincialem Simudâr condiderunt, quod, ut nonnulli putant, initium urbis capitalis hodiernae Machaczkalae fuit, quae fortasse urbs veterrima in Foederatione Russica tota est[4]. Tempore Imperii Romani ibi, imperii in angulo boreo-orientali, provincia Lygia erat, ubi gentes Legae (= Lesgi[5] recentes) praevalebant. Post Romanos, Aevo Medio in terris Daghestaniae regnum Christianum Sarir sub potestate gentium Avaricarum situm est et plerumque in pacto cum Imperio Byzantino inter a saeculo sexto ad duodecimum florebat, donec Islamum ab saeculo duodecimo expanderet.
A saeculo septindecimo ad saeculum undevicesimum Daghestania gradatim in Russiam inclusa est.
Civitas hodierna
recensereRes publica Daghestania superficiem 50,3 milia chiliometrorum quadratorum et 2,1 decies centena milia incolarum habet.[6] Plus quam sexaginta gentes, quarum plus triginta sunt indigenae, Daghestaniam incolunt.[7]
Linguae publicae sunt lingua Russica et linguae regionales gentium Daghestaniae permultae,[8] quarum lingua Lesgica[9], lingua Avarica, lingua Darginensis, lingua Cumucica, lingua Nogaica usitatissimae sunt. Etiam linguae Andica, Rutulensis, Tabassaranica memorandae sunt.
Notae
recensere- ↑ I. Hofmannus, Lexicon Universale, t. 2, p. 4; C.-M. Gattelp, Dictionnaire françois-espagnol et espagnol-françois, p. 516; seu Dagestania, vide: F.J. Ruprecht, Revisio Campanularum Caucasi (in: Mélanges biologiques tirés du Bulletin de l'Académie Impérial des Sciences de Saint-Pétersbourg, tome VI.) - pp. 174, 187, 192.
- ↑ Russice Республика Дагестан
- ↑ Список растений гербария флоры СССР, p. 6
- ↑
Citatio desiderata (addito fonte, hanc formulam remove)
- ↑ Tragica Vertentis bellis Persici Historia, p. 136; seu Lesghi, vide: Caucasiarum Regionum et Gentium Straboniana descriptio, p. 102.
- ↑ De geographia Daghestaniae (in situ officiali administrationis rei publicae) (Russice)
- ↑ De populo Daghestaniae (in situ officiali administrationis rei publicae) (Russice)
- ↑ Constitutio Daghestaniae (in situ administrationis publicae rei publicae)[nexus deficit] (Russice)
- ↑ I. Hallenberg, Disquisitio de nominibus in lingua Suiogothica, lucis et visus cultusque , p. 349
Nexus externi
recensere| Situs geographici et historici: Locus: 42°59′2″N 47°30′18″E • OpenStreetMap • GeoNames • Store norske Lexikon • Большая российская энциклопедия |
| Vicimedia Communia plura habent quae ad Daghestaniam spectant. |