[go: up one dir, main page]
Jump to content

Museum Nationale Anthropologiae (Mexicum)

E Vicipaedia
Aditus musei cum lapide MUSEO NACIONAL DE ANTROPOLOGÍA.

Museum Nationale Anthropologiae (Hispanice Museo Nacional de Antropología), nomine MNA imminuto notum, est museum nationale Mexici, maximum et frequentissimum museum in re publica constitutum. Aedificium, in regione inter Paseo de la Reforma et via Mahatma Gandhi intra Hortos Chapultepec Mexicopoli,[1] artifacta archaeologica et anthropologica magni momenti ex traditionibus Americae Septentrionalis praecolumbianae continet, insigniter Lapidem Solis (lapis calendricus Aztecanus appellatus) et statuam Xochipilli, in mythologia Aztecorum dei florum, artis, ludorum, pulchritudinis, saltationis, et carminum

"Umbella" in medio aedificii peristylo.
Lapis Tizocensis a summa parte visus, qui hodie in Museo Nationali Anthropologiae conservatur.[2]

Museum, cum multis aliis museis nationalibus regionalibusque Mexicanis, ab Instituto Nationale Antropologiae et Historiae (INAH) administratur. Unum erat ex nonnullis museis ab Adolpho López Mateos praeside Mexicani anno 1964 inauguratis.[3]

Opiniones de museo variant. Una dicit museum esse "thesaurum nationalem et symbolum identitatis, synthesin rei ideologicae, scientificae, politicae."[4][5] Octavius Paz museum reprehendit quia aula Mexica (Azteca) in medio posita est, dicens hunc locum "exaltationem et glorificationem Mexici-Temistitlanae Museum Anthropologiae in templum commutavisse."[6][7]

Architectura

[recensere | fontem recensere]

Aedificium monumentale, a Petro Ramírez Vázquez, Georgio Campuzano, et Raphaele Mijares Alcérreca anno 1964 designatum, aulas continet atrium circumdantes, cui est magnum stagnum et vasta concreti umbella (Hispanice "el paraguas") quadrilaterale uná pilá tenui sustenta. Iuxta aulas sunt horti, quorum multi exhibitiones foris continent. Toto museo sunt viginti tria conclavia exhibitoria, quae aream 79 700 metrorum quadratorum comprehendunt.

Museum exhibitiones transitorias aliquando curat, plerumque rerum externarum mundi culturarum. Artifacta ex Aegypto, Graecia, Hispania, Irania, Russia, Sinisque praebitae sunt.

Pinacotheca

[recensere | fontem recensere]

Nexus interni

Bibliographia

[recensere | fontem recensere]
  • Arnaiz y Freg, Arturo. 1974. "Los Nuevos museos y las restauraciones realizados por el Presidente López Mateos." Artes De México 179/180: 62–67. JSTOR.
  • Aveleyra, Luis. 1965. "Plantación y metas del nuevo Museo Nacional de Antropología." Artes de México época 1: 12 (66-67): 12–18.
  • Bernal, Ignacio. 1967. El Museo Nacional de Antropología de México. Mexicopoli: Aguilar
  • Castillo Lédon, Luis. 1924. El Museo Nacional de Arquelogía, Historia, y Etnografía. Mexicopoli: Imprenta del Museo Nacional de Arquelogía, Historia, y Etnografía.
  • Fernández, Miguel Ángel. 1987. Historia de los Museos de México. Mexicopoli: Fomento Cultural del Banco Nacional de México.
  • Florescano, Enrique. 2000. "The Creation of the Museo Nacional de Antropología of Mexico and its scientific, educational, and political purposes." In Nationalism: Critical Concepts in Political Science, ed. John Hutchinson et Anthony D. Smith, 4: 1238–59. Londinii et Novi Eboraci: Routledge. Reimpresses ex Collecting the Pre-Columbian Past: A Symposium at Dumbarton Oaks 6th and 7th October 1990, ed. Elizabeth Hill Boone, Vasingtoniae: Dumbarton Oaks Research Library and Collection, 1993:. 83–103.
  • Galindo y Villa, Jesús. 1911. "Apertura de las clases de historia y arqueología." Boletín del Museo Nacional 1: 22–28.
  • Galindo y Villa, Jesús. 1921. "Museología. Los museos y su doble función educativa e instructiva." Memorias de la Sociedad Científica Antonio Alzate 39: 415–73.
  • León y Gama, Antonio de. 1990. Descripción histórica y cronológica de las Dos Piedras. Mexicopoli: Instituto Nacional de Antropología.
  • Matos, Eduardo. 1986. Arqueología e indigenismo. Mexicopoli: Instituto Nacional Indigenista.
  • Matute, Alvaro. 1976. Lorenzo Boturini y el pensamiento histórico de Vico. Mexicopoli: Universidad Nacional Autónoma de México.
  • Mendoza, Gumersindo, et J. Sánchez. 1882. "Catálogo de las colecciones históricas y arqueológica del Museo Nacional de México." Anales del Museo Nacional 445–86.
  • Núñez y Domínguez, José. 1932. "Las clases del Museo Nacional." Boletín del Museo Nacional, época 2: 215–18.
  • Paz, Octavio. 1969. Posdata. Mexicopoli: Siglo Veintiuno Editories.
  • Ramírez Vázquez, Pedro. 1965. "La arquitectura del Museo Nacional de Antropología." Artes de México, época 2, 12 (66–67): 19–32.
  • Villoro, Luis. 1979. Los grandes momentos del indigenismo. Mexicopoli: Casa Chata.

Notae

[recensere | fontem recensere]
  1. ↑ "Plan Your Visit," National Museum of Anthropology: "The Museum is located at Av. Paseo de la Reforma y Calzada Gandhi s/n, Col. Chapultepec Polanco. Delegación Miguel Hidalgo. C.P. 11560, México, D.F."
  2. ↑ Museo Nacional de México (1877-01-01). Anales del Museo Nacional de México. Mexicopoli: El Museo 
  3. ↑ Arnaiz y Freg 1974
  4. ↑ Anglice a national treasure and a symbol of identity. The museum is the synthesis of an ideological, scientific, and political feat."
  5. ↑ Florescano 2000.
  6. ↑ Anglice "exaltation and glorification of Mexico-Tenochtitlan transforms the Museum of Anthropology into a temple."
  7. ↑ Octavio Paz, "Posdata, Mexico: Siglo Veintiuno 1969," locus citatus in Florescano 2000: 1258, nota 9.

Nexus externi

[recensere | fontem recensere]

Coordinata: 19°25′34″N 99°11′10″W / 19.426°N 99.186°W / 19.426; -99.186


Receptum de "https://la.wikipedia.org/w/index.php?title=Museum_Nationale_Anthropologiae_(Mexicum)&oldid=3807415"