Lovanium

Lovanium sive Lovania (Lingua Nederlandensis Leuven; Francogallice Louvain; Theodisce Löwen) est urbs Belgiae aquiloniae caputque provinciae Brabantiae Flandrensis. A Bruxellis 25 kilometra abest.

Antiquissima urbs universitaria est, fuit enim sedes trium diversarum universitatum studiorum.

• anno 1425: conditum est Lovanii Studium generale Lovaniense sive Universitas studiorum Lovaniensis, a principe Francogallico, Iohanne a Burgundia, duce Iohanne IV Brabantiae, cum assensu Papae Martini V. Haec studiorum Universitas abolita est anno 1797.

• anno 1817, conditum est nova Universitas publica Lovaniensis sive Academia Lovaniensis. Haec Universitas studiorum abolita est anno 1835.

• anno 1834, episcopi catholici regni Belgicae condiderunt in urbe Mechliniae Universitatem catholicam Mechliniensem. Postea haec Universitas catholica Mechliniensis sedem suam Lovanii posuit, mutatoque nomine, sese Universitatem catholicam Lovaniensem nuncupavit. Anno 1968, haec Universitas studiorum catholica in partes duas flandro-belgicam et gallo-belgicam divisa est, parsque una Lovanii remansit parsque altera Lovanium-Novum migravit.

Lovanii etiam cervisia coquitur, quae bibitur plerumque a studentibus, cuius nomen est Stella Artois.

• Collegium Trilingue
• Katholieke Universiteit Leuven
• Studium generale Lovaniense
• Universitas catholica Mechliniensis
• Universitas publica Lovaniensis
• Universitates studiorum Lovanienses
• Michael Woitrin