Helena Wessel

Helena (Helene) Wessel (nata die 6 Iulii 1898 in vico Hörde, qui nunc ad Tremoniam pertinet, mortua die 13 Octobris 1969 Bonnae) rerum politicarum perita Theodisca et sodalis primo factionis centri, deinde factionis totius populi Germaniae ("Gesamtdeutsche Volkspartei"), postremo SPD fuit.

Iuventus et munus

Parentes eius catholici et sodales factionis centri erant. Helena scholam primariam et deinde commerci frequentabat et ab anno 1915 in officio centri operam dedit. Deinde et tirocinium salutis publicae fecit. Inter dictaturam nazistarum secretaria in officiis catholicis laborabat.

Cursus honorum

Anno 1928 Wessel legata ad senatum terrae Borussiae electa est et ab anno 1930 inter regentes factionis centri fuit. Etiam electione Martii 1933 legata denuo electa est, sed tum nazistae factionem centrum prohibebant. Post secundum bellum mundanum Wessel iterum pro factione sua nixa legata ad senatum terrae Rhenaniae Septentrionalis-Vestfaliae nominata est. Anno 1948 legata in Consilium Parlamentaricum missa est, quod novam constitutionem Germaniae componeret. Anno 1949 praeses centri electa est et eodem anno legata Dietae Foederalis Germaniae. Anno 1952, cum Conradus Adenauer cancellarius (CDU) et inter alios multi sodales Centri nitebantur, ut iterum milites Theodisci fierent, Wessel cum aliis, inter quos etiam Gustavus Heinemann erat, "Factionem totius populi Germaniae" condidit. Anno 1953 haec factio electionem perdidit et Wessel parlamentum relinquere coacta est. Itaque Wessel ad factionem SPD transiit et anno 1957 iterum legata Dietae Foederalis electa est. Ad mortem in parlamento mansit.

Nexus externi

Vicimedia Communia plura habent quae ad Helenam Wessel spectant.