Kofi Annan
Kofi Atta Annan (natus Kumasi in urbe die 8 Aprilis 1938; Bernae die 18 Augusti 2018 mortuus) fuit politicus Ganae et internationalis.
E familia nobili gentis Ashantiensis ortus, gemellus (unde praenomen Atta), apud Methodistas scholae Mfantsipim in urbe Capitis Corsi educatus est. Alumnus fuit Collegii Scientiae et Technologiae in urbe nativa et Collegii Macalestri in urbe Sancti Pauli de Minnesota necnon Instituti Studiorum Superiorum Internationalium Genavae Institutique Technologiae Massachusettensis Bostoniae in urbe. Ab anno 1962 apud Ordinem mundi sanitarium et Nationes Unitas operam dedit.
Ab anno 1997 usque ad mensem Decembrem 2006 secretarius generalis Nationum Unitarum meruit. In quod officium bis electus Praemium Nobelianum Pacis ille ipse cum omni Nationum Unitarum ordine anno 2001 accepit. His annis, collaborationem internationalem semper favens, contra secundum bellum Iracense agebat. Denuo in Syriam ad pacem componendam, sed vano, anno 2012 a Foedere Arabico missus est.
Bibliographia
[recensere | fontem recensere]- Hella Pick, "Kofi Annan obituary" in The Guardian (19 Augusti 2018)
Nexus externi
[recensere | fontem recensere]
|
Vicimedia Communia plura habent quae ad Kofi Annan spectant. |
- De Kofi Annan in pagina Nobeliano Pacis Praemio dicata (Anglice)¨
- L +1
- Latinitas +1 (bona)
- Viri
- Nati 1938
- Mortui 2018
- Legati Nationibus Unitis
- Incolae Ganae
- Magistratus Nationum Unitarum
- Praemium Nobelianum Pacis
- Alumni Instituti Technologiae Massachusettensis
- Alumni Instituti Studiorum Superiorum Internationalium Genavensis
- Alumni Collegii et Universitatis Scientiae et Technologiae Kumasiensis
- Alumni Collegii Macalestri
- Alumni Mfantsipim
- Homines gemelli
- Asante