Gundemarus (Portugallia)

Gondomar

Insigne Vexillum
Urbis sententiola: Gondomar (Gundemarus)
Gentilicium	Gundemarensis-e
Area	131.86 km²
Numerus incolarum  - Totus (2011)  - Spissitudo	168 027 inc. 1 274.2 inc./km²
Numerus paroeciarum	7
Praeses Camerae Municipalis	Marcus Martins (PS)
Municipium conditum aut forum	1193
Regio	Septemtrio
Subregio	Magnus Portus Cale
Districtus	Portus Cale
Antiqua provincia	Durius Litoralis
Patronus	Sancti Cosmas et Damianus
Feriatus municipalis	Dies Lunae post primum Diem Solis Octobris- Nostra Domina Rosarii
Numerus cursualis	4420 Gondomar
Situs interretialis	www.cm-gondomar.pt

Gundemarus^[1] (Lusice; Gondomar) est Lusitana urbs ad Districtum Portum Cale, ad Regionem Septemtrionem, ad Subregionem Magnum Portum Cale pertinens. Inclusus est adhuc intra Territorium Urbis Portus Calis Magnum (Lusice; Grande Área Metropolitana do Porto).

Municipii sedes est cum area 131.86 km² et populositate 168 027 incolarum anno 2011, subdivisus in paroecias septem. Municipium a meridie Araductā ac Sanctā Mariā Feriensi, ab occidente Portu Cali, ab austroccidente a Cali, a boreoriente municipiis Valli Longo ac Parietibus, ab austroriente Penafideli ac Castello Paivensi et a boreoccidente Maiā terminatur.

Gundemarus, cuius nomen historicas resonantias habet. Varia inventa veteres humanae vitae radices in hoc loco e praehistoria patefaciunt. Aurifodinarum usus finitimis in regionibus et strategica castri positio Romanos in his terris mansisse demonstrant. Alias inter versiones, denominatio Gundemarus Visigotho regi Gundemaro attribuitur qui, anno 610 cautum illic condidisset. Quamvis Visigothorum equitum vestigia non sint, urbs Gundemarus primum forum anno 1193 e Domino Sanctio I accepit quod, postea, a rege Domino Alphonso II per Inquiritiones (Lusice; Inquirições) confirmatum est. Monarcha honorem^[2] Gundemarum Domino Suero Raimundo fecit, qui illic manerium habebat.

Rege Domino Emmanuele I concessum est secundum forum "Municipio Gundemari" anno 1514. Etiam hi fertiles agri Dominae Margaritae de Vilhena donati sunt, datis iuribus reditus, firmagii etc. Saecula secuta, "iurisdictio Gundemari" non semper praesentes paroecias comprehendit. Praeter annos variae statuti et demarcationum modificationes aliquibus locis -Mellaribus^[3] (Lusice; Melres), Flumini Tincto (Lusice; Rio Tinto), Lombae (Lusice; Lomba) et Sancto Petro Covae (Lusice; São Pedro da Cova)- concilii formam mutare fecere. Quamvis haec paroeciae cum omnibus suis potentialitatibus integratae esset, ad concilium iam pertinuerant paroecia Abientes (Lusice; Avintes) -hodie urbi Cali (Lusice; Vila Nova de Gaia) ligata- et Campaniana^[4] (Lusice; Campanhã) -Portus Calis paroecia Gundemarensibus limitibus finitima.

Originem trahit a 1868 paroeciarum Sancti Cosmae (Lusice; São Cosme), Vallis Bonus^[5] (Lusice; Valbom), Fluminis Tincti (Lusice; Rio Tinto), Fanzanarum^[6] (Lusice; Fânzeres), Sancti Petri Covae (Lusice; São Pedro da Cova), Villae Iovini^[7] (Lusice; Jovim), Ostii Sausae^[8] (Lusice; Foz do Sousa), Covelli (Lusice; Covelo), Medarum (Lusice; Medas), Mellarum^[9] (Lusice; Melres) et Lombae (Lusice; Lomba) incorporatio in concilium. Formaliter, solum anno 1927, concilii sedes -Sanctus Cosmas- velut Villa Gundemari confirmata est, per petitionem praesidatui Reipublicae. Anno 1985, promulgata est lex creandae paroecia Villae Baquini Montis^[10] (Lusice; Baguim do Monte), anno 1991 Gundemarus urbs factus est, idem evenit anno 1995 cum Flumine Tincto. Recentius (Ianuario anni 2005) Vallis Bonus urbis categoriam assequitur.

Nigrum insigne cum aureorum filigranorum corde azuro color tincto, circumdato corollā octo spicarum ex aureo tritico, se ipsas sustinentium et frondentium. Est argentea corona muralis cum turribus quinque et album limen cum sententiola Município de Gondomar, scilicet "Municipium Gundemarus", nigro colore.

Vexillum dividitur in partes octo gilvas et caeruleas. Sunt cordonus et tasselli aurei et caerulei. Hasta et lancea aureae sunt.

Sigillum circulare est, in centro insigne sine indicatis tincturis habens. Circum, concentricos intra circulos, est sententiola Município de Gondomar, scilicet "Municipium Gundemarus". Quia praecipuae insignis tincturae aureae et azurae sunt, vexillum gilvum est, correspondens ad aureum et caeruleum. Cum destinatur ad pompam et alias caerimonias, vexillum e serico ornatur et unius chiliometri quadrati aream habere debet; cum destinatur ad volandum, dimensiones necessarias putatas habebit, capax non incluendae insignis repraesentationis. Niger insignis campo indicatus tinctura heraldica terram symbolizans et firmitatem, oboedientiam, honestatem ac affabilitatem significans est.

Filigranorum cor, locales industrias repraesentans et musivum sensum quo haec industria Gundemari elaboratur significans, ex auro metallo est, quod Urbis nomine alludit et est opulentissimum apud heraldicam, nobilitatem, fidem, sapientiam, fidelitatem, constantiam, potentiam et libertatem significans. Cor azuro tingitur, qui zelum, fidelitatem et caritatem significat.

Spicarum e tritico corolla, regionalem agrariam ubertatem symbolizans, est ex auro, cuius significatum iam descriptum est.

Concilium Gundemarus quattuor publicas et duas privatas scholas secundarias possidet.

Schola Secundaria Gundemari (Lusice; Escola Secundária de Gondomar) paroeciae Sancti Cosmae, Schola Secundaria Fluminis Tincti (Lusice; Escola Secundária de Rio Tinto) paroeciae Flumine Tincto, Schola Secundaria Sancti Petri Covae (Lusice; Escola Secundária de São Pedro da Cova) paroeciae Sancti Petri Covae et Schola Secundaria Vallis Boni (Lusice; Escola Secundária de Valbom) paroeciae Valli Bono. Ei est etiam Collegium Pauli VI (Lusice; Colégio Paulo VI), unum inter optima eruditionis instituta in natione consideratum, et Collegium Camonii (Lusice; Colégio Camões).

Concilium Gundemarus divisum est in paroecias septem, quae sunt inferiori in tabula:

Insigne	Paroecia Latine	Paroecia Lusice
	Flumen Tinctum	Rio Tinto
	Lomba	Lomba
	Unio Paroeciarum Fanzanarum et Sancti Petri Covae[11]	União das Freguesias de Fânzeres e São Pedro da Cova
	Unio Paroeciarum Mellarum et Medarum[12]	União das Freguesias de Melres e Medas
	Unio Paroeciarum Ostii Sausae et Covelli[13]	União das Freguesias de Foz do Sousa e Covelo
	Unio Paroeciarum Sancti Cosmae (Gundemari), Vallis Boni et Villae Iovini[14][15]	União das Freguesias de Gondomar (São Cosme), Valbom e Jovim
	Villa Baquini Montis[16]	Baguim do Monte

Haec urbes urbis Gundemari sorores sunt^[17]:

• Fascis^[18] (Francice; Feyzin), in Rhodano, in Francia;
• Gundemarus (Hispanice et Gallaice; Gondomar), in Gallaecia in Hispania;
• Praia (Lusice; Praia), Insulae Sancti Iacobi, in Promunturio Viridi.

Concilio Gundemaro ministrant vecturae publicae plerisque paroeciis:

Paroeciis Flumine Tincto, Fanzanaribus, Sancto Cosma et Sancto Petro Covae laophoricum operatrum publicum STCP ministrat. Paroeciis Flumine Tincto, Villā Baquini Montis et Fanzanaribus linea F Metropolitanae Portucalensis (Lusice; Metro do Porto) ministrat.

• Camera Municipalis Gundemari
• Vecturae XXI
• Porta de Gundemaro
• Foederatio Collectivitatum Concilii Gundemari
• Collegium Paulus VI Gundemari
• Schola Secundaria Gundemari
• Schola Secundaria Sancti Petri Covae
• Planeta Gundemarus - Blogues de Gundemarensium commentariorum interretialium aggregatrum
• Schola Secundaria Fluminiz Tincti
• Institutum Linguarum Gundemarense
• Centrum Hippicum Gundemarense
• Centrum Hippicum Gundemarense - Facebook