Gregorius LeMond

Gregorius Iacobus, vulgo Gregory James, "Greg" LeMond (natus Lakewood in oppido Californiae die 26 Iunii 1961) est professionalis birotarius Americanus emeritus, qui, cursu viario certans, victoriam in Road Race World Championship bis (1983, 1989) et Circuitu Franciae ter (1986, 1989, 1990) reportavit, atque a multis spectatoribus maximus omnis temporis birotarius Americanus habetur. Negotiator commercialis etiam est, et doping vehementius contra dicit. Kathy uxorem habet liberosque tres, et variis causis benignis et organizationibus aperte favet.^[1]

LeMond anno 1986 factus est primus birotarius professionalis ex civitate extra Europam ortus qui in Circuitu Franciae vicit, et manet solus birotarius Americanus qui in hoc circuitu praevaluit, septem victoriis a Lance Armstrong reportatis ob abusum medicamentorum vetatorum exceptis. LeMond, cum in silva anno 1987 cum amicis occultus venaret, fortuite permultis globulis transfixus est, tam vulneratus ut in binis Circuitibus Franciae proximis certare nequiebat.^[2][3] Ad certamen nihilominus rediens, in Circuitu Franciam anno 1989 praeter opinionem vicit, per ultimam certaminis stationem Laurentium Fignon admirabiliter praeteriens.^[4][5] Titulum proximo anno feliciter defendit, suam victoriam tertiam et ultimam reportans, quod significat LeMond esse unum ex septem rectoribus qui tres aut plus Circuitus Franciae consecuti sunt.^[6] In otium venit mense Decembri 1994. In United States Bicycling Hall of Fame anno 1996 cooptatus est.

LeMond, avidus naturae studiosus et piscator,^[7] cum iam anno 1991 competitor in birotatione professionali esset, maximum Micropterum dolomieu notum cepit, piscem aquae dulcis familiae Centrarchidarum.^[8]

• Abt, Samuel. 1990. LeMond: The Incredible Comeback. Novi Eboraci: Random House. ISBN 978-0-394-58476-8. Google Books.
• Andrews, Guy. 2016. Greg Lemond: Yellow Jersey Racer. Londinii: Bloomsbury Publishing. ISBN 978-1-4729-4355-2. Google Books.
• Fignon, Laurent, conv. William Fotheringham. 2010. We Were Young and Carefree. Londinii: Yellow Jersey Press. ISBN 978-0-224-08319-5. Google Books.
• LeMond, Greg, et Kent Gordis. 1987. Greg LeMond's Complete Book of Bicycling. Novi Eboraci: Putnam Publishing Group. ISBN 978-0-399-13229-2. Google Books.
• McGann, Bill, et Carol McGann. 2012. The Story of the Tour De France, Volume 2: 1965–2007. Indianapoli: Dog Ear Publishing. ISBN 978-1-59858-608-4. Google Books.
• Moore, Richard. 2012. Slaying the Badger: Greg LeMond, Bernard Hinault and the Greatest Tour de France. Londinii: Vintage Books. ISBN 978-1-4090-2887-1. Google Books.
• Nye, Peter. 1988. Hearts of Lions: The History of American Bicycle Racing. Novi Eboraci: W. W. Norton & Company. ISBN 978-0-393-30576-0. Google Books.
• Porter, David L. 2013. Their Greatest Victory: 24 Athletes Who Overcame Disease, Disability and Injury. Ieffersoniae Carolinae Septentrionalis: McFarland & Company. ISBN 978-1-4766-0247-9. Google Books.
• VeloPress. 1997. Bicycle Racing in the Modern Era: 25 Years of Velonews. Boulder Colorati: VeloPress. ISBN 978-1-884737-32-9.

• de Visé, Daniel. 2018. The Comeback: Greg LeMond, the True King of American Cycling, and a Legendary Tour de France. Novi Eboraci: Atlantic Monthly Press. ISBN 978-0-8021-2794-5. Google Books.
• Porter, A. P. 1991. Greg LeMond: Premier Cyclist. Minneapoli: Lerner Publishing Group. ISBN 978-0-8225-9584-7. Google Books.

Vicimedia Communia plura habent quae ad Gregorium LeMond spectant.

• Situs interretialis Gregorii LeMond proprius.
• LeMond Composites.