Cognitura publica Europaea

Laura Codruța Kövesi^(ro) est prima cognitrix generalis Cogniturae publicae Europaeae.

Cognitura publica Europaea^[1] (Anglice European Public Prosecutor's Office, Francogallice Parquet européen, Theodisce Europäische Staatsanwaltschaft) est officium Unionis Europaeae cui est dicio delicta patrimonium unionis laedentia persequi.

Cognitura edicto^[2] anni 2017 condita et deinde exstructa est, ac a die 1 Iunii 2021 operatur^[3].

In dicione cogniturae sunt fraudes summae plus quam 10 000 euronum quae attinent ad pecuniam solutam ab unione ac aliae fraudes trans fines summae plus quam 10 000 000 euronum. Dicio territorialis spectat ad Unionem Europaeam sine Dania, Hibernia et Hungaria.

In officio centrali Luxemburgi sunt unus cognitor generalis, 22 cognitores publici ac alii operarii. In variis civitatibus sunt cognitores publici delegati qui accusationes ad curias illarum civitatum portant.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
↑ Edictum (UE) 2017/1939 Consilii de die 12 octobris 2017 amplificatae cooperationis efficiendae de fundatione Cogniturae publicae Europaeae.
↑ Resolutio exsecutoria (EU) 2021/856 Commissionis de die 25 Maii 2021 qua statuitur dies a qua Cognitura publica Europaea officia investigativa et proceduralia poenalia sua suscepit.

Nexus externi

Situs interretialis Cogniturae publicae Europaeae

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[2] Edictum (UE) 2017/1939 Consilii de die 12 octobris 2017 amplificatae cooperationis efficiendae de fundatione Cogniturae publicae Europaeae.

[3] Resolutio exsecutoria (EU) 2021/856 Commissionis de die 25 Maii 2021 qua statuitur dies a qua Cognitura publica Europaea officia investigativa et proceduralia poenalia sua suscepit.

[1]

[2]

[3]