Поршень

Поршень – машинанын же прибордун цилиндрдин туурасынан кесилишин жылчыксыз жаап, анын огун бойлото алга-артка жылып туруучу кыймылдуу тетиги. Поршень поршендүү машиналарда жана механизмдерде бир түрдөгү энергияны экинчи түргө айландырууда колдонулат. Көпчүлүк поршендүү машиналарда поршень муунактуу вал менен кинематикалык байланышта болот. Ал кинематикалык байланыш поршенди алга-артка жылуучу кыймылын валдын айланма кыймылына өзгөртүүчү механизмдин жардамы менен жүргүзүлөт. Поршендин цилиндрди жылчыксыз бекитишин шакекчелери камсыз кылат.

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9