Муху

Муху, Моон – Балтика деңизинде жайгашкан Моонзунд архипелагындагы арал. Эстонияга карайт. Материктен Муху, Сааремаа аралынан Вяйнамери кысыктары аркылуу бөлүнөт. Аянты 204 км². Силурдун акиташ теги жана доломит тоотектеринен түзүлгөн. Жеринин бети түзөң; деңиз деңгээлинен бийиктиги 24 мге чейин. Сааремаа аралы менен дамба (узундугу 4 км) аркылуу байланышат. Чыгыш жээгинде жайгашкан Куйвасту пристаны материк менен паром аркылуу байланышат.

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7