Вольт

Вольт (В, V) – Бирдиктердин эл аралык системасында (СИ) электр чыңалуусунун, электр кыймылдаткыч күчүнүн (ЭКК) жана электр потенциалдарынын бирдиги. Италиялык физик А. Вольтанын ысымынан аталган. 1 В – электр тизмегинде кубаттуулугу 1 Вт болгондо 1 А турактуу ток күчүн пайда кылуучу электр чыңалуусу. Вольт эң алгач Парижде электриктердин 1-эл аралык конгрессинде (1881) ЭЭКтин практикалык бирдиги катары кабыл алынган.

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4