Батыш Казакстан облусу
| ||
| Өлкө | ||
|---|---|---|
| Административдик борбор | ||
| Аянты |
151 339 км² км² (5,6 %, 8- орунда) | |
| Тууралыгы | ||
| Узундук | ||
|
| ||
Батыш Казакстан облусу (каз. Батыс Қазақстан облысы; 1962-96-ж. Орол облусу) — Казакстан Республикасындагынын батышында жайгашкан облусу. 1932-ж. 10-мартта уюшулган.
Негизги маалымат
[түзөтүү | булагын түзөтүү]Аянты 151,3 миң км2. Калкы 617,6 миң (1999). Борбору Орол ш. Шаар калкы 41%. Ири шаарлары: Орол, Аксай. Облуста 12 администрациялык район, 2 шаар, 4 шаарча бар. Басымдуу бөлүгү Каспий ойдуңунда жайгашкан; түндүгүн Жалпы Сырттын тармактары (бийиктиги 263 м ге чейин) ээлейт. Аймагында негизинен кумдуу жалдар менен ойдуңдар (абсолюттук бийиктиги 45-65 м ден ашпайт) айкалышып жатат.
Климаты
[түзөтүү | булагын түзөтүү]Климаты кескин континенттик. Январдын орточо температурасы -11°...-14°С (кээде -40°С ге чейин төмөндөйт), июлдуку 22-25°С (40°С ге чейин көтөрүлөт). Жылдык жаан-чачыны 190-350 мм. Ири дарыясы Урал. Облуста 140тан ашык көл бар. Кара жана каштан топурактуу, айрым жерлерин шор баскан. Дүйүм чөп-дан өсүмдүктүү жана ак кылкан-бетегелүү талаа, шыбак-дан өсүмдүктүү жарымчөл басымдуу.
Экономикасы
[түзөтүү | булагын түзөтүү]Облус мунай жана газга (газ-конденсат) бай; ошондой эле калий, магний туздары, курулуш материалдары казылып алынат. Өнөр жайынын негизги тармактары: машина куруу, металл иштетүү, тамак-аш, жеңил, булгаары-буткийим, баалуу тери ашатуу, балык ж. б. Айыл чарбасы негизинен буудай, арпа эгүүгө жана эт-сүт багытындагы мал асыроого багытталган. Кой, бодо мал, жылкы багылат. Негизги автоунаа жолдору Орол-Атыроо, Орол-Ак төбө, Орол-Оренбург. Казакстандын ири шаарлары, ошондой эле чет мамлекеттердин айрым шаарлары менен аба катнашы бар.
Колдонулган адабияттар
[түзөтүү | булагын түзөтүү]- «Кыргызстан». Улуттук энциклопедия: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4
 Казакстандын административдик бөлүнүшү | |
|---|---|
| Облустар | Абай облусу · Акмоло облусу · Актөбө облусу · Алмата облусу · Атыроо облусу · Батыш Казакстан облусу · Жамбыл облусу · Жети-Суу облусу · Караганды облусу · Костанай облусу · Кызыл-Ордо облусу · Маңкыштоо облусу · Павлодар облусу · Түндүк Казакстан облусу · Түркстан облусу · Улуу-Тоо облусу · Чыгыш Казакстан облусу |
| Республикалык маанидеги шаарлар | Астана · Алмата · Чымкент |
| Жоюлган облустар | Жезказган облусу · Көкчө-Тоо облусу · Семей облусу · Талды-Коргон облусу · Торгой облусу |
