Sisimiut
 | |
| Sort |
sita  |
|---|---|
| Poblans |
5,582 |
| Fondys |
1764 |
| Geveldrev/ow |
Albertslund Municipality, Klaksvík, Whitstable, Albertslund |
| Doronieth | |
| Konteth |
Qeqqata |
| Gwlas |
Greunlond |
| Arenebedh |
34.4 km² |
| Kesordnogyon |
66.9389°N 53.6722°W |
| Kod post |
3911 |
 | |
Sisimiut, Holsteinsborg kyns, yw an eyl vrassa cita yn Greunlond, desedhys yn west an wlas war arvor Kulvor Davis, 200 mildir dhe'n north a Nuuk. Styr an hanow yw "tus an tell lewern" yn Greunlondek.
Istori
[golegi | pennfenten]An kynsa tus dhe driga yn Sisimiut o a'n wonisogeth Saqqaq, nans yw 4,500 bledhen. I re asas lies dustuni a'ga anedhyans yn ranndir Sisimiut, ow komprehendya gwikow, kylghow gwrys gans aga thyldys hag olesow. Trigys ens yn Sisimiut bys dhe 500 KOK. Ny wrug tus a wonisogethow Dorset gasa kemmys dustuni anedha aga honan. Yth esons ow triga yn Sisimiut 700 bledhen.
Inuit an wonisogeth Thule (tus Greunlond lemmyn) a dheuth dhe Sisimiut nans yw 1,000 bledhen. I a wre helghya morderewi, kerwys ergh ha reunes. An arvor yntra Sisimiut ha Kangaamiut a'n jevo meur a enevales, hag ytho tennvos divroysi o. Drefen an niver meur a artifaktow istorek, apoyntys veu avel Ertachva an Bys UNESCO.
Ny dheuth tus Loghlyn dhe'n ranndir ma. Yn 1738/9 y feu batel yntra'n Dhanyon hag Iseldirysi rag maystri an kenwerth morviles. Wosa henna fondys veu an dre a-lemmyn yn 1764 avel Holsteinsborg.
Diwysiansegyans a dhallathas y'n 20ves kansvledhen wosa drehevel porth gorholyon ha gweythva argerdha puskes.
-
Iliveq, bedh kynsistorek desedhys ogas dhe ayrborth Sisimiut
-
Sisimiut ha'n fordh dhe'n ayrborth
-
Chi ragformys unn teylu yn Sisimiut
-
Rannjiow a'n 1960ow
-
Gorvarghas Pisiffik
-
Rann a withti Sisimiut
-
Skol ughel Knud Rasmussen
-
Ayrborth Sisimiut
-
Porth Sisimiut
-
Arwodh stret yn Greunlondek
-
Skrisel ow tiskwedhes teyw Ertachva UNESCO yn Greunlond, ow komprehendya Aasivissuit – Nipisat
-
Eglos goth Sisimiut drehevys yn 1775
Doronieth
[golegi | pennfenten]Desedhys yw Sisimiut ogas dhe 200 mildir dhe'n north a Nuuk, ha 47 mildir dhe'n north a'n Kylgh Arktek. Yma war arvor est Kulvor Davis, war benn tir gans Fyord Kangerluarsuk Tulleq dhe'n north ha Fyord Amerloq dhe'n soth.
Sisimiut a'n jeves hin Penneghlek. An tempredh ughella misek yw 10°C po le dres an vledhen.
| Kedhlow hin rag Sisimiut (1961–1990) | |||||||||||||
|---|---|---|---|---|---|---|---|---|---|---|---|---|---|
| Mis | Gen | Hwe | Meu | Ebr | Me | Met | Gor | Est | Gwy | Hed | Du | Kev | Bledhen |
| Ughella bythkweth °C (°F) | 12.5 (54.5) |
11.3 (52.3) |
8.7 (47.7) |
11.4 (52.5) |
16.1 (61.0) |
21.0 (69.8) |
22.0 (71.6) |
23.8 (74.8) |
16.7 (62.1) |
12.0 (53.6) |
12.6 (54.7) |
11.5 (52.7) |
23.8 (74.8) |
| Ughel kresek °C (°F) | −9.4 (15.1) |
−10.2 (13.6) |
−10.3 (13.5) |
−4.1 (24.6) |
2.8 (37.0) |
6.8 (44.2) |
9.8 (49.6) |
10.3 (50.5) |
5.8 (42.4) |
0.7 (33.3) |
−3.2 (26.2) |
−6.9 (19.6) |
−0.7 (30.7) |
| Dedhyek kresek °C (°F) | −12.8 (9.0) |
−13.9 (7.0) |
−14.0 (6.8) |
−7.1 (19.2) |
−0.2 (31.6) |
3.6 (38.5) |
6.3 (43.3) |
6.8 (44.2) |
3.2 (37.8) |
−1.9 (28.6) |
−5.9 (21.4) |
−10.1 (13.8) |
−3.9 (25.0) |
| Isel kresek °C (°F) | −16.3 (2.7) |
−17.7 (0.1) |
−18.1 (−0.6) |
−11.4 (11.5) |
−3.9 (25.0) |
0.8 (33.4) |
3.3 (37.9) |
3.4 (38.1) |
0.9 (33.6) |
−4.4 (24.1) |
−8.7 (16.3) |
−13.3 (8.1) |
−7.0 (19.4) |
| Isella bythkweth °C (°F) | −35.8 (−32.4) |
−38.8 (−37.8) |
−36.6 (−33.9) |
−25.8 (−14.4) |
−19.1 (−2.4) |
−5.6 (21.9) |
−3.0 (26.6) |
−4.5 (23.9) |
−7.9 (17.8) |
−13.0 (8.6) |
−21.0 (−5.8) |
−33.0 (−27.4) |
−38.8 (−37.8) |
| Kodhans kresek cm (inches) | 19 (0.7) |
20 (0.8) |
22 (0.9) |
28 (1.1) |
18 (0.7) |
30 (1.2) |
44 (1.7) |
52 (2.0) |
51 (2.0) |
37 (1.5) |
38 (1.5) |
23 (0.9) |
383 (15.1) |
| Dedhyow kodhans kresek (≥ 0.1 mm) | 10.5 | 10.6 | 11.7 | 10.7 | 9.5 | 9.1 | 10.3 | 10.9 | 12.4 | 13.6 | 14.4 | 13.5 | 137.2 |
| Dedhyow erghek kresek | 10.1 | 10.3 | 11.5 | 10.0 | 7.5 | 2.7 | 0.3 | 0.2 | 4.3 | 11.3 | 13.1 | 13.1 | 94.4 |
| Ourys howlsplann misek kresek | 4 | 53 | 144 | 195 | 225 | 237 | 257 | 180 | 137 | 74 | 20 | 0 | 1,550 |
| Source: Danish Meteorological Institute (sun, 1980–1993)[1] | |||||||||||||
Gans 5,582 a drigoryon yn 2020, yma poblans Sisimiut ow tevi yn uskis. Dell yw usys, yma moy a dus ages benenes yn Sismiut. 10% a'n poblans a dheu a bowyow erel.
Poblans Sisimiut - 1991-2010
Erbysieth
[golegi | pennfenten]Pyskessa yw an diwysyans posekka yn Sisimiut, dre vras bibynes bubyn, eghogyon, meurlithes ha barvusi. Nans yw ogas dhe 20 bledhen, yth esa towl dhe dhrehevel teudhji aluminiom yn Sisimiut, owth usya tredan dowr, mes yth esa fowt a dreusporth y'n ranndir.
Treusporth
[golegi | pennfenten]Desedhys yw ayrborth Sisimiut 2.5 mildir dhe'n north a'n dre. An porth a dhegemmer kowbalyow linen Artic Umiaq diwweyth an seythen ha dres 50 a worholyon morviaj an vledhen.Yn 2020 y tallathas towlen dhe dhrehevel an fordh gynsa dhe gelmi diw dre yn Greunlond - 110 mildir yntra porth Sisimiut hag ayrborth Kangerlussuaq. Y kwaytir y fydh an fordh dhe les tornyaseth ha diwysyans y'n termyn a dheu.
Tornyaseth
[golegi | pennfenten]
Yma niver a ostelyow, ostelyow yowynkneth ha kampvaow yn Sisimiut. Y'n gwav eskynner skia a ober a-ban menydh Alanngorsuaq. Dres an vledhen an dre a gynnik kerri slynkya keun, skia tro askel, kerdhes hebronkys, krambla, kayakya ha golya. Moy ha moy a worholyon morviaj a vysyt Sisimiut pub bledhen.
Desedhys naw mildir dhe'n soth a Sisimiut, Aasivissuit – Nipisat yw Ertachva an Bys UNESCO apoyntys yn 2018. An Ertachva a ystyn 150 mildir a Enys Nipisat dhe'n lien rew. An savla a with remenans hendhyskoniethel dres 4,000 bledhen a wonisogethow Sadqqaq, Dorset an Thule.
Drehevys veu Kresen Wonisogethel henwys Taseralik yn Sisimiut. Synsys yw Gool Ilow pub bledhen y'n dre gans artydhyon kepar hag Ole Kristiansen.
Geveldrevow
[golegi | pennfenten]Albertslund, Denmark
Klaksvik, Enesow Faroe
Sisimiut a'n jeves kolmow kowethegeth gans:
Whitstable, Breten Veur
