KDE por Ludantoj
Ĝuu viajn ludojn en Plasma kaj Linux
KDE Plasma sur la Steam Deck
Ludu vian tutan ludbibliotekon per ĉi tiu portebla konzolo, kiu havas la flekseblecon de komputilo. La Steam Deck funkcias KDE Plasma optimumigita por ludi la plej novajn AAA-ludojn kaj viajn ŝatatajn emulilojn. Vi povas eĉ konekti ekranon, klavaron kaj muson por plena sperto pri labortabla komputilo bazita sur Plasma.
Eksciu kiel KDE kontribuis al la sukceso de Steam Deck, observante la sekvan prelegon.
Proton kaj ProtonDB
Proton estas nova ilo eldonita fare de Valve Software kaj integrita kun Steam Play. Proton igas ludi Vindozajn ludojn en Linukso tiel simple kiel premi la Ludbutonon ene de Steam. Sub la kapuĉo, Proton konsistas el pluraj popularaj teknologioj, inkluzive de Wine kaj DXVK inter aliaj, kiujn ludantoj alie devus instali kaj prizorgi si mem.
ProtonDB estas amaskunlabora Linuksa datumbazo de raportoj pri ludokongrueco enhavanta raportojn pri pli ol dudek miloj da ludoj.
Bottles
Ne disvolvita de KDE sed tamen tre helpa, Bottles estas libera kaj malfermfonta programaro, kiu uzas mediojn por helpi vin facile administri kaj lanĉi Vindozajn aplikaĵojn en Linukso. Vi povas havi tujan aliron al la plej popularaj ludbutikoj (ekz. Epic Games Store, EA Launcher, Battle.net ktp.) kaj tiam ludi viajn plej ŝatatajn ludojn, kvazaŭ vi estus en Vindozo.
Esploru nian kolekton de klasikaj ludoj
Mankas ludi Solitaire? Ne plu, danke al KPatience kaj la reston de la KDE-Ludoj. Ĉi tiuj ludoj ne havas DLC, reklamojn aŭ spuristojn kaj ne pagendas por venki. Ni ĝuu ludojn kiel ili estis intencitaj.
Plasma for ludemuloj
Modifebla
Plasma estas tute modifebla kun diversaj etendpunktoj. Kreu novajn stilojn, ŝanĝu la kolorskemon de viaj programoj, verku propran taskoŝanĝilon, faru viajn proprajn Plasma-fenestraĵojn kaj verku kompleksajn tapetajn kromaĵojn aŭ kompostilajn efikojn.
Plumpeza
Plasmo estas malpeza sur viaj komputilaj rimedoj, donante pli da potenco por viaj ludoj. Monitoru vian sistemmemoran kaj CPU-uzadon per Plasma System Monitor.
Vi povas etendi Plasma System Monitor por monitori viajn sunpanelojn se vi volas.
Pliaj malfermkodaj aplikoj por ludemuloj
Jen kelkaj aliaj aplikoj de aliaj malfermfontaj organizoj, kiuj povus interesi vin:
Ekhavu vian novan aparataron kun Plasma antaŭinstalita
Rigardu kelkajn el la aparatoj disponeblaj de niaj partneroj, de porteblaj videoludaj konzoloj al potencaj komputiloj: