Amqerqur

Amqerqur
asmil n imuddiren yettwassnen s yisem imezdi
Isefka
Adu-smil n	Timankalin

Amqerqur deg tutlayt Taqbaylit d assaɣ imezdi i yettwafken i wugar n 500 n telmas n tkelmanin dgi llant waṭas n twaculin am umqerqur idetti (Bufonidae), Aṭas n midden ur ssinen ara ad ssemgirrden (ad meyyzen) gar n imqerqar d igra acku ttemcabin s waṭas deg telɣa, maca deg tidet amqerqur yettmil ar tudert deg tzagirt (sufel n wakal) acku ila (yesɛa) aglim yeqquren d yini aras i wakken ad yezmer ad yidir s ddaw n tafat n tfukt w ad issengel s iman-is deg twennaṭ is d-yezzin, Dɣa iṭarren n umqerqur d wid-ak yemmugen i tikli mači i wenttag am wegru, Tiẓunt niden deg wemgarad gar n umqerqur d wegru d akken amqerqur yeɣɣaz akal i wakken ad yessers timellalin-is ma d agru yessrusay timellalin-is s ddaw n waman

Yakk imqerqar kkand seg uẓar imezdi yeddren deg Marikan n unẓul send n 10 n imelyan n iseggasen maca sin akin s imik imik (cuya cuya) smhersen (steɛmren) yal amenẓaw anagar Antraktika, ma deg Ustralya d Madagaskar sakken kan id ttuskecmen sɣur wemdan, Akken daɣen i llant kra n tegzirin tisufanin ulac degsen-t imqerqar aladɣa deg ugaraw amelwi

• Amqerqur n waman (s.u: Bufotes viridis)
• Amqerqur aburqes (s.u: Acris gryllus)
• Amqerqur amugay (s.u: Kaloula pulchra)
• Amqerqur amessiruy (s.u: Alytes obstetricans)
• Amqerqur n Marikan (s.u: Anaxyrus americanus)
• Amqerqur n iseklan (s.u: Rentapia hosii)
• Amqerqur utrim (s.u: Anaxyrus boreas)
• Amqerqur iɣunam (s.u: Rhinella marina)

Aylalen imatanen n umqerqur zdin d wid yellan ɣer wegru yakk d kra n imgaraden meẓẓiyen deg yal talmest

Am yakk igra, Ula d imqerqar d iɣersiwen n tit idammen isemmaṭen (tasefliẓɣelt)

• Iṭarren-is meẓẓiy-it, ur inetteg ara akken iwata maca isemyifi tikli. yettidir sufel n wakal
• Ur ila ara (ur yesɛa ara) tuɣmas
• Aglim-is ikkerked (ḥercaw), dges timmisin

• Agru