Sugababes

Sugababes
ბიოგრაფია
წარმოშობა	ლონდონი, გაერთიანებული სამეფო
ჟანრ(ებ)ი	პოპ-მუსიკა, ელექტრონული მუსიკა, რიტმ ენდ ბლუზი
აქტიური	1998–2011
ყოფილი წევრები	ჰაიდი რეინჯი კიშა ბიუქენენი მუტია ბუენა შივონ დონაგი ამელ ბერაბა ჯეიდ იუვენი
საიტი	sugababes.com
Sugababes ვიკისაწყობში

Sugababes — რიტმ ენდ ბლუზიის და პოპის ჟანრის ბრიტანული მუსიკალური ტრიო,, რომელიც 1998 წელს, ლონდონში დაარსდა. ჯგუფის დისკოგრაფიაში 23 სინგლი და 7 ალბომია. დიდ ბრიტანეთში ჯგუფის 12 მილიონი ალბომია გაყიდული.^[1] 2006 წელს British Hit Singles & Albums-მა ტრიო საუკუნის ერთ-ერთ საუკეთესო შემსრულებლებად აღიარა.^[2]

ჯგუფი 1998 წელს, All Saints-ის მენეჯერმა რონ ტომმა ჩამოყალიბდა. თავდაპირველად მასში შედიოდნენ მუტია ბუენა, შივონ დონაგი და კიშა ბიუქენენი. სახელწოდება იყო The Sugababies, მოგვიანებით გადაკეთდა, როგორც Sugababes.^[3] პირველი ალბომი One touch გამოვიდა 2000 წელს London Records-ზე. დებიუტურმა სინგლმა Overload 6 ადგილი დაიკავა ბრიტანეთის ჩარტში და ნომინიერბული იყო BRIT Award-ზე.^[4] 2001 წელს დონაგიმ ჯგუფი დატოვა. ის ლივერპულელმა მომღერალმა ჰაიდი რეინჯმა შეცვალა.^[5]

სოლისტთან ერთად ჯგუფმა ლეიბლიც შეიცვალა და Island Records-თან დაიწყო მუშაობა. 2002 წელს გამოვიდა მეორე სტუდიური ალბომი Angels with Dirty Faces. პირველი სინგლი Freak Like Me გამოსვლისთანავე მოხვდა 1 აგილზე ბრიტანეთის სინგლების ჩარტში. იგივე ბედი გაიზიარა სინგლმა Round Round, რომელიც ასევე მოწინავე პოზიციაზე აღმოჩნდა.^[6] მესამე და მეოთხე სინგლის სახით გამოვიდა Stronger და Shape. Angels with Dirty Faces-ის მილიონზე მეტი ასლი გაიყიდა დიდ ბრიტანეთში.^[6] ჯგუფის რიგით მესამე ალბომი , Three, 2003 წლის 27 ოქტომბერს გამოვიდა. ამავე წელს ჯგუფმა გაიმარჯვა BRIT Award-ზე. „Hole in the Head“ პირველ პოზიციაზე ავიდა ბრიტანეთის ჩარტში და Billboard Hot 100-ში 96 ადგილი დაიკავა.^[7] ეს პირველი სინგლია ჯგუფის შემოქმედებაში, რომელიც Billboard Hot 100-ში მოხვდა.რიგით მეორე სინგლმა „Too Lost in You“ დადებითი შეფასებები მიიღო მუსიკის კრიტიკოსებისგან. სიმღერა ფილმის Love Actually-ის მთავარი საუნდტრეკი გახდა. ორწლიანი პაუზის შემდეგ Sugababes დაბრუნდა მეოთხე ალბომით. Taller in More ways ჯგუფის პირველი ალბომი გახდა რომელიც 1 ადგილზე ავიდა ბრიტანული ალბომების ჩარტში. ფირფიტას 2-ჯერ პლატინის სტატუსი მიენიჭა ბრიტანეთსა და ირალდიაში.ასევე წამყვანი სინგლი Push the Button სინგლების ჩარტში პირველ ადგილზე მოხვდა და სამი კვირის მანძილზე ინარჩუნებდა პოზიციას.^[8] 2005 წლის 21 დეკემბერს მუტია ბუენამ ოფიციალურად დატოვა ჯგუფი.^[9] ბუენა შეცვალა წარმოშობით მაროკოელმა ამელ ბერაბამ.^[10]

Change არის პირველ ალბომი ამელ ბერაბასთან. ალბომი 1 პოზიციაზე ავიდა ბრიტანულ ჩარტში და პლატინის სტატუსი მიენიჭა ბრიტანეთსა და ირლანდაში.^[11] 2007 წლის 24 სექტემბერს გამოვიდა ახალი სინგლი About You Now. სიმღერა გახდა ჯგუფის მეექვსე ნომერ პირველი ჰიტი ბრიტანეთის ჩარტში.^[12] 2008 წელს About You Now იყო ნომინირებული BRIT Award-ზე როგორც საუკეთესო ბრიტანული სინგლი.^[13] 2009 წელს სიმღერა გინესის მსოფლიო რეკორდების წიგნში შევიდა, როგორც ბრიტანეთის ყველაზე გადმოწერადი ციფრული სინგლი ბოლო 10 წლის განმავლობაში.^[14] სიმღერამ კრიტიკოსებისგან უაღრესად დადებითი შეფასება მიიღო.^[15]

სხვა პოპულარულმა მომღერლებმა ჩაწერეს სიმღერის ვერსია სხვადასხვა ჟანრში:

• ჯგუფმა Snow Patrol-მა ჩაწერა სტუდიური ვერსია,რომელიც 2009 წელს ჯგუფის ალბომში შევიდა.^[16]
• მირანდა კოსგროუმ შეასრულა About you Now, რომელიც გამოიცა მომღერლის რიგით მეხუთე სტუდიური ალბომიდან,2009 წელს.^[17]
• ირლანდიელმა მომღერალმა Rachel Tucker BBC1-ის კონცერტზე შეასრულა სიმღერის თავისებური ვერსია.
• The Saw Doctors-მა ჩაწერა სიმღერის პოპ-როკ ვერსია, რომელიც ირლანდიის სინგლების ჩარტში მოხვდა.^[18]
• The Courteeners-მა წარმოადგინა სიმღერის აკუსტიკური ვერსია, BBC Radio 1-ის შესრულების დროს.^[19]

2007 წლის საკონცერტო ტურნეს შემდეგ Sugababes დაბრუნდა ახალი ალბომის ჩასაწერად.^[20] Catfights and Spotlights გამოვიდა 2008 წელს. ალბომი სოულისა და ფანკის სტილშია და ჟღერადობით განსხვავდება წინა ნამუშერვრებისგან.^[21] ბრიტანეთში ალბომს ვერხცლის სტატუსი მიენიჭა.^[22]

2009 წლის 21 სექტემბერს კიშა ბიუქენენმა ჯგუფი დატოვა, მიზეზად დასახელდა ამელ ბერაბასთან კონფლიქტი.^[23] კიშა ევროვიზიის კონკურში მონაწილე ჯეიდ იუვენმა შეცვალა. კრიტიკოსები და ფანები ცვლილებას საკმაოდ ცივად შეხვდნენ რაც მეშვიდე სტუდიური ალბომის გაყიდვებში აისახა. საიტმა Metacritic ალბომს 100 ქულიდან მხოლოდ 39 ქულა მიანიჭა.^[24] All Music-მა ალბომი გააკრიტიკა და უწოდა ზომიერი, უსულო და განმეორებადი.^[25]

მთავარი სტატია: Sugababes-ს დისკოგრაფია.

• One Touch (2000)
• Angels with Dirty Faces (2002)
• Three (2003)
• Taller in More Ways (2005)
• Change (2007)
• Catfights and Spotlights (2008)
• Sweet 7 (2010)

• Sugababes.com დაარქივებული 2012-07-24 საიტზე Wayback Machine.