Sega Pico
| Sega Pico | |
|---|---|
 | |
 | |
| სხვა სახელწოდებები | Kids Computer Pico |
| მწარმოებელი | Sega Toys |
| ტიპი | ვიდეო თამაშების კონსოლი |
| თაობა | მეოთხე თაობა |
| გამოშვების თარიღი |
იაპ ივნისი, 1993 ჩრდ.ამ. ნოემბერი, 1994 ევრ 1994 KOR 1995 |
| თავდაპირველი ფასი |
13,440 იაპონური იენი 139 ამერიკული დოლარი 49.95 აშშ დოლარი (Majesco) |
| შეწყდა |
ევრ 1998 ჩრდ.ამ. თებერვალი, 1998 იაპ 2005 |
| გაიყიდა |
იაპ 3.4 მილიონი ჩრდ.ამ. 400,000 (იანვარი, 1996) |
| მედია | „Storyware“ (კარტრიჯი) |
| შემდეგი | Advanced Pico Beena |
Sega Pico (აგრეთვე ცნობილი როგორც Kids Computer Pico) — მეოთხე თაობის საგანმანათლებლო ვიდეო თამაშების კონსოლი, შექმნილი და გამოცემული კომპანია Sega Toys-ის მიერ 1993 წელს იაპონიაში,[1] 1994 წელს ევროპასა და ჩრდილოეთ ამერიკაში, 1995 წელს — სამხრეთ კორეაში.
საგანმანათლებლო დანიშნულების Sega Pico გათვლილი იყო სამიდან შვიდ წლამდე ბავშვებზე. ვიზუალურად წააგავდა ლეპტოპს. მისი თავდაპირველი ფასი აშშ-ში შეადგენდა 139 დოლარს, ხოლო იაპონიაში — 13,440 იენს.[2] Sega Pico ნაკლებად პოპულარული იყო ევროპასა და ჩრდილოეთ ამერიკაში, შედეგად ამ რეგიონებში კონსოლის წარმოება შეწყდა 1998 წლის დასაწყისში. მიუხედავად ამისა, 1999 წლის აგვისტოდან, კომპანია Majesco Entertainment-მა დაიწყო კონსოლის გადაკეთებული ვერსიის გამოცემა ჩრდილოეთ ამერიკაში, თითქმის სამჯერ ნაკლებ ფასად, 49,99 აშშ დოლარად. 2002 წელს გამოვიდა ჩინეთში.
კონსოლი გარკვეულწილად გამოიყენებდა იმავე შიდა აპარატულ უზრუნველყოფას,[3] რასაც Sega Genesis, მათ შორის პროცესორსა და გრაფიკულ ჩიპს.[4] მასზე ხელმისაწვდომი იყო 300-მდე თამაში, (რომელიც ვრცელდებოდა კარტრიჯების მეშვეობით), აგრეთვე სეგას რამდენიმე ლიცენზირებული ფრენჩაიზი, მათ შორის „Sonic the Hedgehog“.[5] Sega-ს განცხადებით, საერთო ჯამში გაიყიდა 3.4 მილიონი კონსოლი და 11.2 მილიონი სათამაშო კარტრიჯი.[6]
2005 წელს, იაპონიაში გამოვიდა Sega Pico-ს მემკვიდრე Advanced Pico Beena, რომელსაც მისი წინამორბედისგან განსხვავებით თამაშების გაშვება შეეძლო ტელევიზორზე მიერთების გარეშე. საერთო ჯამში გაიყიდა კონსოლის 3500,000 ეგზემპლარი და 800,000 კარტრიჯი.[7]
რესურსები ინტერნეტში
[რედაქტირება | წყაროს რედაქტირება]- Beena-ს ოფიციალური საიტი დაარქივებული 2013-12-04 საიტზე Wayback Machine.
- Sega Pico — Giant Bomb
- Sega Pico — Computing History
- Sega Pico-ს თამაშები — Game Database
სქოლიო
[რედაქტირება | წყაროს რედაქტირება]- ↑ Sega Pico Q&A Japanese. Sega Toys. დაარქივებულია ორიგინალიდან — 27 აგვისტო, 2008. ციტირების თარიღი: 3 მარტი, 2018.
- ↑ Sega Pico information Japanese. Sega Toys. დაარქივებულია ორიგინალიდან — 8 აპრილი, 2009. ციტირების თარიღი: 3 მარტი, 2018.
- ↑ Horowitz. (7 თებერვალი, 2013) Interview: Joe Miller. დაარქივებულია ორიგინალიდან — 20 ივნისი, 2018. ციტირების თარიღი: 10 იანვარი, 2014.
- ↑ Sato, Hideki. (ნოემბერი, 1998) The History of Sega Console Hardware Japanese. Famitsu. ASCII Corporation. ციტირების თარიღი: 5 მარტი, 2019.
- ↑ Beuscher, David. Sega Pico - Overview. დაარქივებულია ორიგინალიდან — 24 აპრილი, 2011. ციტირების თარიღი: 1 სექტემბერი, 2014.
- ↑ Sega Toys Business Strategy. Sega Toys. დაარქივებულია ორიგინალიდან — 16 დეკემბერი, 2005.
- ↑ 『BeenaLite（ビーナライト）』7月17日新発売 Japanese. Sega Toys (18 ივნისი, 2008). დაარქივებულია ორიგინალიდან — 23 თებერვალი, 2018. ციტირების თარიღი: 23 ოქტომბერი, 2014.
| |||||||||||||||||||||||||||||||||||
| |||||||||||||||||||