M1 Garand

M1 Garand
ტიპი	ნახევრადავტომატური შაშხანა
წარმომავლობის ქვეყანა	აშშ
სამსახურის ისტორია
შეიარაღებაშია	1936–1958  აშშ 1940-იანებიდან-დღემდე (სხვა ქვეყნებში)
წარმოების ისტორია
კონსტრუქტორი	ჯონ გარანდი
შექმნის თარიღი	1928
წარმოების პერიოდი	1934—1957
მახასიათებლები
წონა	4.31-5.3
სიგრძე	1,100
ლულის სიგრძე	609.6 მმ
ვაზნა	7.62×63 მმ სპრინგფილდი 7.62×51 მმ ნატო
მუშაობის პრინციპი	გაზზე მომუშავე, მბრუნავი ჭანჭიკი
სროლის ტემპი	40–50 ვაზნა/წთ
ჭურვის/ტყვიის საწყისი სიჩქარე	853 მ/წმ
დამიზნების მანძილი	457 მ
დატენვის სისტემა	8 ვაზნიანი სავაზნე მჭერი, შიდა მჭიდი
სამიზნეები	რკინის სამიზნე

M1 Garand — M1 გარანდი ან M1 შაშხანა — .30-06 კალიბრის (7.62×63მმ) ნახევრადავტომატური შაშხანა, რომელიც იყო აშშ-ის შეიარაღებული ძალების ძირითადი საბრძოლო შაშხანა მეორე მსოფლიო ომისა და კორეის ომის დროს. მცირე რაოდენობით ის ასევე გამოიყენებოდა ვიეტნამის ომშიც. ასობით ათასი M1 შაშხანა ასევე გაიგზავნა აშშ-ის მოკავშირე ქვეყნებში, როგორც სამხედრო დახმარება. M1 Garand დღემდე გამოიყენება აშშ-ის შეიარაღებული ძალების საპატიო ყარაულის მიერ, სანადირო მიზნებისთვის სამოქალაქო პირთა შორის და კოლექციონერების მიერ.

M1 Garand-ს სახელი დაერქვა მისი კანადელ-ამერიკელი გამომგონებლის ჯონ გარანდის პატივსაცემად. ეს შაშხანა იყო პირველი ნახევრადავტომატური იარაღი აშშ-ის ჯარისთვის. უმეტესი სამხედრო მოხსენებების მიხედვით M1 Garand იყო საიმედო და მოწონება დაიმსახურა ამერიკელი სამხედროების მხრიდან. გენერალმა ჯორჯ ს. პატონმა მას უწოდა „უდიდესი საბრძოლო მოწყობილობა, რომელიც ოდესმე გამოუგონიათ“. 1936 წელს M1 Garand-მა ჩაანაცვლა გრძივმოძრავ საკეტიანი ხელით გადასატენი M1903 Springfield შაშხანა, როგორც აშშ-ის არმიის სტანდარტული იარაღი, ხოლო თავად ის 1958 წელს ჩანაცვლდა M14 შაშხანით.

• Walter, John (2006). Rifles of the World (3rd ed.). Iola, WI: Krause Publications. p. 143.
• Fitzsimons, Bernard, ed. (1977). "Garand". The Illustrated Encyclopedia of Twentieth Century Weapons and Warfare. 10. London: Phoebus. p. 1088.

• „Military Firearms: M1 Garand Rifle დაარქივებული 2021-05-18 საიტზე Wayback Machine. “
• FM 23-5 Basic Field Manual U.S. Rifle, Caliber .30, M1