King Nothing

„King Nothing“
სინგლი — მეტალიკა
ალბომიდან Load
B-მხარე	Ain't My Bitch (საკონცერტო)
გამოსვლის თარიღი	7 იანვარი, 1997[1]
ჩაიწერა	1995 წლის მაისი - 1996 წლის თებერვალი, სტუდიაში Plant Studios, საუსალიტო, კალიფორნია
ჟანრი	მძიმე როკი, მძიმე მეტალი
ხანგრძლივობა	5:28
ხმისჩამწერი ლეიბლი	Elektra
ავტორ(ებ)ი	ჯეიმზ ჰეტფილდი, ლარს ულრიხი, კირკ ჰემეტი
პროდიუსერი	ბობ როკი, ჯეიმზ ჰეტფილდი,ლარს ულრიხი
მეტალიკა — სინგლების ქრონოლოგია
„Mama Said“ (1996) „King Nothing“ (1997) „Bleeding Me“ (1997)
აუდიომაგალითი
ინფორმაცია ფაილზე yes ფაილი დახმარება

King Nothing — ამერიკული მძიმე მეტალ ჯგუფ მეტალიკის მეხუთე სინგლი და მეხუთე სიმღერა მათივე 1996 წლის სტუდიური ალბომიდან Load.

სიმღერა აშკარა გადახვევაა მეტალიკის თრეშ სტილიდან და აერთიანებს უფრო როკ/მეტალ მიმდინარეობებს. სიმღერა იწყება ბას-გიტარის რიფით, რომელიც შემდგომში გადაიზრდება სიმღერის ძირითად რიფში. სინგლი King Nothing გამოვიდა აშშ-ში და მოიცავს საკონცერტო ვერსიას სიმღერისა Ain't My Bitch, რომლის სტუდიური ვარიანტი შესულია იმავე ალბომში, რომელშიც King Nothing.^[2] მალე სინგლს მოყვა მუსიკალური ვიდეოც. გიტარებიცა და ბას-გიტარაც აწყობილია Eb ტიუნინგზე.^[3]

სიმღერის დასასრულს გავიგონებთ სიტყვებს „Off to never-never land“, რომელიც აღებულია მეტალიკის ერთ-ერთი ყველაზე ცნობილი სიმღერიდან Enter Sandman; მსგავსი სტრუქტურა აქვს მთლიანად სიმღერასაც.

სიმღერა არის პიროვნებაზე, რომელიც შეპყრობილია ყველაფრის ფლობის შეგრძნებით.^[4][5]

King Nothing-მა გაიჟღერა სოპრანოს კლანის მეორე სეზონის მეცხრე ეპიზოდში.

აშშ-ის ჩარტებში სიმღერამ დაიკავა 90-ე ადგილი ბილბორდის საუკეთესო ასეულში მაშინ, როდესაც ცხელი მეინსტრიმული როკ ტრეკების ჩარტში მიაღწია მეექვსე ადგილს.

სიმღერის დემოს ერქვა Load (შესაბამისად ალბომისა, რომელშიც შესულია იგი) და ჩაიწერა 1994 წლის 30 ნოემბერს ლარს ულრიხის სახლში მოწყობილ სტუდიაში Dungeon ჯეიმზ ჰეტფილდისა და ულრიხის მიერ. ოფიციალური მუსიკალური ვიდეო გადაიღეს სოლტ-ლეიკ-სიტიში 1996 წლის დეკემბერში, რომლის პრემიერაც 1997 წლის 17 იანვარს შედგა MTV-ზე. ვიდეოს რეჟისორია მეთ მაჰურინი.^[5]

King Nothing ცოცხლად პირველად შესრულდა 1995 წლის 23 სექტემბერს, Arctic Circle შოუზე ჩრდილოეთ კანადაში, სიმღერებთან Ain't My Bitch და Until it Sleeps ერთად. სიმღერა შესრულდა ასევე ამერიკული მუსიკის დაჯილდოებაზე 1997 წლის 27 იანვარს.^[5]

1. King Nothing - 5:28
2. Ain't My Bitch (საკონცერტო)^[2][6]

• ჯეიმზ ჰეტფილდი – წამყვანი ვოკალი, რიტმული გიტარა
• კირკ ჰემეტი – წამყვანი გიტარა
• ჯეისონ ნიუსტედი – ბასი, დამატებითი ვოკალი
• ლარს ულრიხი – დასარტყმელი საკრავები

• სიმღერის ტექსტი დაარქივებული 2009-06-11 საიტზე Wayback Machine.
• Metallica - King Nothing Music Video - E Tuning YouTube-ზე