ნიზამ ალ-მულქი

აბუ ალი ალ ჰასან ბენ ალი ბენ ისაკ ალ-თუსი , უფრო ცნობილი როგორც ნიზამ ალ-მულქი (სპარს. نظام‌الملک (დ. 10 აპრილი, 1018 — გ. 14 ოქტომბერი, 1092) ) — სპარსელი სწავლული, თურქ-სელჩუკთა იმპერიის ვეზირი. 1072 წლიდან, ალფ-არსლანის გარდაცვალების შემდეგ, 20 წლის განმავლობაში აბსოლუტური ძალაუფლებით განაგებდა სელჩუკთა იმპერიას. მან შექმნა მედრესეების სისტემა, საშუალო ან უმაღლესი სასწავლებელი მეჩეთში ან მეჩეთთან, სადაც ასწავლიდნენ სუნიტური ისლამის რელიგიას და იურიდიულ დოგმებს, ამზადებდნენ სასულიერო და საერო მოხელეებს. გარდაიცვალა 1092 წლის 14 ოქტომბერს ნეჰავენდში.

ნიზამ ალ-მულკს ეკუთვნის ნაშრომი სახელწოდებით „Siaset Nameh“ — წიგნი სახელმწიფოს განმგებლობისათვის. ეს წიგნი, უკეთ რომ ვთქვათ, ერთგვარი პოლიტიკური ტრაქტატი შეუკვეთავს მალიქ-შაჰს ვაზირისათვის. „Siaset Nameh“ წარმოადგენს ერთგვარ რჩევებს, თუ როგორ მოაწყოს სახელმწიფოს განმგებელმა ლაშქარი, როგორ მოაწყოს მსტოვრების დაგზავნის საქმე , როგორ მოექცეს ქვეშევრდომებს, ჩაახშოს აჯანყებანი, გაასამართლოს დამნაშავენი, როგორ უთვალთვალოს მსაჯულებს, ამირებსა და სხვა დიდმოხლეებს. ნაწარმოებში ჩართულია იგავები და შეგონებანი. ევროპა ამ შესანიშანვ დოკუმენტს გაეცნო ფრანგი ორიენტალისტის თარგმანის მეოხებით.

ვიკისაწყობში არის გვერდი თემაზე:

ნიზამ ალ-მულქი

• The story behind the assassination
• Gokmen Durmus დაარქივებული 2013-11-13 საიტზე Archive.isCategory:Webarchive template archiveis links — Upenn Master's Thesis on Turkish Wisdom
• More Photos, Tishineh