Usuman Songko
| Sot mbyin | a̱sam  |
|---|---|
| A̱byin mbyin | Senegat |
| A̱lyoot nang á̱ ku tyia̱ nggu | Ousmane |
| A̱lyoot kyangbwak | Sonko |
| A̱tuk mbyin | 15 Zwat A̱natat 1974 |
| A̱keang mbyin | Thiès |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Fi̱ransa |
| Ta̱m | a̱tyukwai-nfwuo-á̱niet, writer, tax inspector |
| Cuk ji a̱ ku ba̱ng a̱ni | Prime Minister of Senegal |
| A̱ ku nat fang hu ma̱ | Université Gaston Berger, National School of Administration of Senegal |
| Memba sot kwai-nfwuo-á̱niet | African Patriots of Senegal for Work, Ethics and Fraternity |
| Khwi ku nwuan-ta̱cya̱ | Khwikpaa̱pyia̱ |
Usuman Songko (Fi̱r. Ousmane Sonko; byin 15 Zwat A̱natat 1974) yet a̱tyukwai-nfwuo-á̱niet ma̱ng a̱khwukhwop a̱gwak ti̱n-a̱ghyi di̱ kurum ga̱ndu a̱byin Senegat a̱nyan wa ku ta̱bat ta̱m A̱son Mi̱nisi̱ta Senegat kyiak neet ma̱ a̱lyia̱ 2024.
Songko wa ku yet a̱tyucatcuk sot kwai-nfwuo-á̱niet PASTEF ji mi̱ khai a̱kwak a̱son a̱byin Senegat ma̱ a̱lyia̱ 2019 hu, a̱ si̱ bai a̱tat. A̱ yet a̱gba̱ndang a̱fi̱p a̱khwukhwop a̱kwak a̱son a̱byin Senegat wu nang á̱ ngyei Macky Sall wa, a̱wot ma̱ a̱lyia̱ 2019, a̱gwomna̱ti ba ku ta̱bat nggu á̱ si̱ tsa zop nggu zi̱zop da̱ a̱lyiat myian ma̱ng a̱nyiuk di̱ mi̱n cat mba nang á̱ ku bat nggu ndyo a̱ni, mi̱ á̱niet ba si̱ ghwut vwuot mwuat lyen mba ji mat kyang hu nang a̱gwomna̱ti ba nyia̱ a̱ni ba̱ nyia̱ jhya̱ a̱zagaat koji mi̱ Senegat. Mi̱ Zwat A̱taa a̱lyia̱ 2023, á̱ si̱ fak a̱lyiat mi̱ kotu á̱ si̱ nyia̱ da̱ a̱ na tyak ndyia̱ a̱feang nia mi̱ jaru, a̱wot mi̱ Zwat A̱natat 2023, a̱gwomna̱ti a̱byin Senegat ba si̱ nvwuong sot kwai-nfwuo-á̱niet nggu ji, PASTEF.