Shino Aburame

Artikel iki prelu dirapèkaké supaya jumbuh karo wewaton artikel Wikipédia Panjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak.

Shino Aburame (油女シノ, Aburame Shino^?) inggih punika salah satunggaling tokoh protagonis wonten ing manga lan anime Naruto. Shino inggih punika nama ingkang kaparingaken déning samurai Inuzuka ingkang wonten ing salebetting cariyos Hakkenden, cariyos ingkang magepokan kaliyan samurai anjing. "Aburame" artosipun "Wanita Minyak" manawi nama jangkepipun inggih punika "Aburame Shino" lajeng mèmper kaliyan nama Jepang kanggé kecoak (油虫, aburamushi^?).^[1]

Shino inggih punika genin wonten ing dhusun Konoha ingkang minangka satunggal angkatan kaliyan Naruto Uzumaki, tokoh baku Naruto. Piyambakipun inggih minangka putra turunipun klan Aburame ingkang kawegiganipun saged ngendhalèni gegremet ingkang mirunggan lan ndamel susuh wonten ing awakipun titiyang punika wiwit miyos wonten ing ngalam donya. Serangga punika nyusuh wonten ing badanipun titiyang punika lan ingkang minangka opahipun saged dipun-ginakaken minangka sanjata kanggé titiyang ingkang dados inangipun. Shino punika tiyangipun tenang, kepala dingin, sènsitif, radi cemburuan (Kiba inggih punika rival ingkang sajatos Shino anggènipun ngrebutaken Hinata) gampil kasinggunh, tenanan, profésional, jenius, saged dipunjagakaken, logis lan ugi cenderung tertutup. Piyambakipun ugi katingal boten remen anggènipun manawi badhé ngguyu. Piyambakipun naté satunggaling wekdal ngguyu nganti terbahak-bahak amargi kénging racun ingkang njalari ngguyu anime filler.^[2]

Piyambakipun asring nganggé kacamata ingkang awarni cemeng, ingkang nambahi paugeran ingkang karaos misterius wonten ing piyambakipun. Kawegigan ingkang minangka ninja punika ampuh sanget, kanthi migunakaken gegremet-gegremet ingkang saged dipunparentah, piyambakipun kasil ngasoraken Kankurou. Wonten ing Naruto Shippuden, paraganipun katon éwah sakedjik. Piyambakipun migunakaken tudung kaliyan jaket ingkang nutupi meh sapérangan ageng awak ingkang sisih nginggil kajawi sakitaring netra, ingkang ndamel piyambakipun awrat bilih badhé dipuntepangi déning Naruto. Shino kesinggung nalikanipun Naruto tepang kaliyan kanca ingkang satunggal tim Shino, Kiba Inuzuka lan Hinata Hyuga, nanging boten tepang kaliyan piyambakipun.

Sanajan Shino namung katon sakedhik wonten ing Naruto Shipuden, Piyambakipun inggih punika ugi salah satunggaling tokoh ingkang wigati wonten ing serial punika sami nalika wonten ujian Chunin.

Nalika ujian chuunin kalaksanan, tim piyambakipun ndhèrèk ujian wau. Nalika dipunwontenaken ujian téyori, Shino tanpa kangelan angsal jawaban ujian kasebat kanthi mupangataken kawegigan klanipun. Piyambakipun migunakaken gegremet kanggé ngempalaken jawaban saking pasarta sasanesipun. Sasampunipun ujian nyerat punika dipunpungkasi, lan sadaya pasarta sami lulus, titiyang punika nuju maring ujian salajengipun. Piyambakipun sesarengan kaliyan Kiba lan Hinata Sesarengan ngempalaken sakathahipun gulungan. Tim piyambakipun migunakaken jebakan lintah kanggé ngempalaken gulungan wau. Piyambakipun naté mirsani kaampuhanipun Gaara anggènipun mbantai kelompok saking dhusun Otogakure.^[3]

Nalikanipun ujian kang kaping tiga dipunwiwiti, piyambakipun ngadepi ninja Otogakure ingkang saged nembakkaken chakra saking tanganipun. Kanthi gayanipun ingkang khas, Shino mbumpeti bolongan chakra musuhipun nganggé gegremet lan nugel tanganipun. Shino lajeng medal minangka pamenang saking pertarungan punika.

Nalikanipun dhusun Sunagakure lan Otogakure nyerbu Konoha, Shino dados bebanton Tim Shikamaru kanggé nglawan Kankurou. Piyambakipun nglawan bonékah gadahipun Kankuro kanthi cara mangan chakra ingkang dados benang kanggé ngendalekaken bonékah. Shino pungkasanipun saged menang sasampunipun migunakaken taktik ingkang pinter sanget, nanging boten saged nyusul Naruto lan kancanipun amargi kénging racun Kankurou. Nyawanipun tinulung amargi bapakipun rawuh lajeng nulungi.^[4]