Santen

Santen iku cuwèran putih kenthel pituwasé krambil kang diparut lan banjur diperes karo banyu. Santen nduwé rasa gajih lan dienggo nggawé masakan rasané dadi sedhep tur gurih. Nalika jaman mbiyèn, santen kudu diperes saka krambil kang diparut lan dicampur karo banyu panas sadurungé diperes.

Jaman saiki, wis ana mesin kanggo meres santen. Kanggo nrapaké mesin, klapa kang diparut ora prelu dicampur karo banyu lan pathi santen kang dikasilaké iku 100% tulen. Sanadyan mangkono, akèh wong kang ora gelem nganggo mesin iki amarga gila. Sebabé ing pasar-pasar kerep karesikan lan higienis ora kajaga utawa mesiné ora tau diresiki.

Saliyané iku uga ana santen instan utawa siyap saji sajeroning pakèt kang namun prelu ditambahi banyu panas sadurungé dienggo.

Tembung "santen" iku wujud krama saka tembung "sari" lan santen iku pancèn sajatiné sarining klapa kang diparut.

• 
  Klapa utawa krambil wutuh
• 
  Klapa kang disigar dadi loro
• 
  Wong wadon Jawa lagi marut klapa
• 
  Lagi marut klapa
• 
  Meres santen
• 
  Ampas santen
• 
  Santen saka kalèng
• 
  Santen kang dipadhetaké