Marcha Real

Marcha Real (basa Spanyol kanggo 'Mars Krajan/Karaton') iku lagu kabangsané Spanyol. Minangka siji saka sawatara lagu kabangsan sing ora nganggo lirik.

Marcha Real iku lagu sing rada tuwa ing Éropah. Asal-usulé ora diweruhi. Lagu iki karan sajeroning dhokumèn "Libro de Ordenanza de los toques militares de la Infantería Española", sawijining buku panduan kanggo nyebul trompèt kanggo ngunèkaké isarat-isarat anggitan Manuel de Espinosa. Sajeroning buku iki, lagu Marcha Real dijenengi Marcha Granadera (Musik Perbarisan Granadiers) ora diweruhi sapa sing ngripta.

Ing taun 1770, Raja Carlos II nitahaké manawa lagu Marcha Granadera dilagokaké ing upacara-upacara umum lan tradhisional. Suwé-suwé rakyat Spanyol nganggep lagu iku minangka lagu kabangsané dhéwé lan mènehi jeneng Marcha Real utawa 'Mars Krajan/Karaton' amarga kerep dimainaké nalika Sang Ratu utawa anggota kulawargané ana.

 Marcha Real, Eduardo Marquina  (pitulung·info)

Nalika mangsa papréntahan Républik Spanyol Kapindho (1931-1939), lagu Himno de Riego nggantèni lagu Marcha Real sing dianggep ngagungaké sistém krajan. Nanging Francisco Franco mbalèkaké Marcha Real minangka lagu kabangsan sawisé Perang Sadulur Spanyol (1936-1939) bubar.

• (ing basa Spanyol) Marcha Real dalam format MP3 Archived 2005-04-15 at the Wayback Machine. (Sumber: Himnonacional.org)