[go: up one dir, main page]
Menyang kontèn

MacGyver (sérial TV 1985)

Saka Wikipédia Jawa, bauwarna mardika basa Jawa
Artikel iki bab sérial taun 1985. Bab reboot 2016 sérial sing padha, wacanen MacGyver (sérial TV 2016). Bab pagunan liya, wacanen MacGyver (dhisambiguasi).
MacGyver
Genre
  • Aksi
  • pangumbaran / lelana
  • spion / mata-mata
Digawé déningLee David Zlotoff
Diparagakaké
NaratorRichard Dean Anderson
Musik déningRandy Edelman
Negara asalAmérika Sarékat
Basa asliBasa Inggris
Gunggung mangsa7
Gunggung episode139 + 2 film TV (dhaptar episode)
Prodhuksi
Eksekutif prodhuser
Kapernah
Suwéné acara45–48 menit
Prodhuksi
Pambabaran
Saluran tiviABC[1]
Lakuné acara29 Mèi 1985 –
21 Mèi 1992
Kronologi
Acara kang gegayutanMacGyver (sérial 2016) (2016–2021)
Pranala jaba
Website

MacGyver iku sérial TV Amérika Sarékat wetonan taun 1985. MacGyver iku sawijining sérial ing genre aksi-lelana besutané Lee David Zlotoff lan dimainaké déning Richard Dean Anderson. Henry Winkler lan John Rich sing dadi sutradara èksekutifé. Sérial iki ngenani lelanané Angus MacGyver, dhèwèké spion sing akalé akèh banget kanggo golèk solusi menawa ana masalah. Solusiné nganggo barang-barang sing ana ing cedhaké.

MacGyver ditayangaké kapisan ing tanggal 18 Agustus 1989 ing Indonésia déning RCTI.[2] Salawasé sérial iki tayang saka taun 1985-1992 lan 1994 ana 139 épisodhe lan rong film TV. Sérial olèhé syuting ana ing Los Angeles nalika mangsa siji, loro, lan pitu, kamangka mangsa telu tekan enem ing Vancouver.

Épisodhe pungkasan acara iki ditayangaké ing tanggal 25 April 1992, ing kanal ABC. Nanging sawisé iku ABC isih nayangaké épisodhe siji manèh ing tanggal 21 Mèi 1992. Sajatiné karepé épisodhe iki ditayangaké luwih dhisik, sadurungé épisodhe final.

Sérial iki suksès banget lan akèh sing nggandrungi lan loyal. Sérial iki dadi populèr ing Amérika Sarékat lan saindenging donya, kalebu Indhonésia.

Rong film TV asesirah Lost Treasure of Atlantis and Trail to Doomsday ditayangaké ing ABC taun 1994.

Ing taun 2003 direncanakaké anané sérial sempalan (spin off) asesirah Young MacGyver, nanging namung épisodhe pilot waé sing digawé.

Saliyané iku akèh waralaba sing digawé kaya ta dolanan komputer, dolanan médhia cithak, lan sérial original audhio.

Banjur uga ana sérial balèn (reboot) sing ditayangaké ing CBS saka taun 2016 nganti 2021. CBS saiki ndarbèni hak sérial asli sawisé ngakuisisi Paramount Television.

Alur crita

[besut | besut sumber]

Acara iki nuduhaké critané sang spion Angus MacGyver, sing diparagakaké déning Richard Dean Anderson, sing nyambut gawé minangka troubleshooter kanggo yayasan fiksi Phoenix Foundation ing Los Angeles lan uga minangka spion kanggo agènsi fiksi Amérika Sarékat Department of External Services (DXS) utawa Dhèpartemèn Dhines Nagara Ngamanca.

Dhèwèké kuliah minangka ngèlmuwan fisika ing Western Tech ("Hell Week"), banjur MacGyver dhines ing Angkatan Dharat AS bagéan teknikus bom nalika Perang Viètnam ("Countdown").

Déné akalé akèh lan dhèwèké ndarbèni kawruh ènsiklopèdhis ngenani sains fisika, dadi dhèwèké bisa golèk solusi mecahaké masalah komplèks mawa nganggo barang-barang sadina-dina karo lading bala Swis sing mesthi dikanthongi, lakban, lan kadhangkala korèk geni.

Dhèwèké luwih milih solusi tanpa gaman geni. Awit nalika cilik ana kancané umur 12 taun ora sengaja katémbak nganti mati.

Katrampilané sing paling jos iku olèhé bisa nrapaké kawruh sainsé lan olèhé nduwé akal cara ngréka barang-barang padinan minangka solusi masalah angèl.

Solusi pinter gagasané MacGyver marang masalah sing katoné ora ana solusiné, kerepé ing kahanan antara urip lan mati lan MacGyver kudu nemu solusiné in wektu sawetara menit, iku dadi daya tariké acara TV iki. Perkara iki nggawé para pamirsa umum padha nggandrungi sains terapan, kalebu ngèlmu insinyur, saliyané tentuné nggawé crita sing menarik.[3][4]

Kabèh kalakoné MacGyver ing acara iki dipriksa dhisik déning para pakar lan ngèlmuwan supaya njamin menawa kabèh iku ndarbèni dhasar ngèlmiah.[5]

Ing sawetara kasus nalika MacGyver nganggo bahan kimia sadina-dina kanggo ngracik racun, bahan bledhosan, utawa barang liya sing dianggep mbebayani, menawa dicritakaké rinci, dhétailé ana sing diowahi utawa utawa digawé gamang utawa bahan wigati ora dicritakaké utawa ana langkah sing dibusak, supaya ora ditiru pamirsa.[6]

Acara iki kadhangkala ngomongaké masalah-masalah sosial,[7] nanging luwih kerep ing mangsa 4 nganti 7. Ing mangsa 1 nganti 3 acara iki luwih akèh nyritakaké olèhé MacGyver nyambut gawé kanggo Yayasan Phoenix Foundation utawa pamaréntahé Amérika Sarékat.

Pratélan épisodhe

[besut | besut sumber]
MangsaÈpisodeWektu tayang
Wiwitan tayangPungkasan tayang
12229 Sèptèmber 1985 (1985-09-29)Mèi 7, 1986 (1986-05-07)
22222 Sèptèmber 1986 (1986-09-22)Mèi 4, 1987 (1987-05-04)
32021 Sèptèmber 1987 (1987-09-21)Mèi 9, 1988 (1988-05-09)
41931 Oktober 1988 (1988-10-31)Mèi 15, 1989 (1989-05-15)
52118 Sèptèmber 1989 (1989-09-18)April 30, 1990 (1990-04-30)
62117 Sèptèmber 1990 (1990-09-17)Mèi 6, 1991 (1991-05-06)
71416 Sèptèmber 1991 (1991-09-16)Mèi 21, 1992 (1992-05-21)
Film TV214 Mèi 1994 (1994-05-14)Novèmber 24, 1994 (1994-11-24)

Sawetara épisodhe, kalebu épisodhe pilot utawa épisodhe kapisan diwiwiti pambuka atis arané (cold opening), dadi MacGyver wis ana ing sawijiné misi. MacGyver kerep nyritakaké crita saka nalika enom sing ana gandhèngané karo kahanané saiki. Kahanané iki bisa agé dipungkasi lan crita utama diwiwiti sawisé pratélan para paraga lan prodhuser dituduhaké. Pambuka kaya mangkéné, kayadéné pambuka catur, luwih kerep ana ing épisodhe-épisodhe awal. Bagéan iki biasané sing nulis lan sutradarané séjé karo sutradarané bagéan utama. Sawisé iku, crita utama biasané dimainaké adhedasar struktur telung bagéan. Ing akèh épisodhe, adhegan pambuka kerepé diwiwiti sawisé pratélan para paraga lan prodhuser dituduhaké lan kerep ora ana MacGyveré ing sawijiné misi, nanging ana ing kahanan sing mrelokaké patuwuhing karakter. Mèmper adhegan 'pambuka catur', pambuka kaya mengkéné iki kerep ora ana gandhèngané karo crita utama.

Para paraga

[besut | besut sumber]
  • Richard Dean Anderson minangka Angus Macgyver. MacGyver iku sepion sing menawa bisa ora nggawa utawa nganggo gaman geni, amarga nalika cilik ana prastawa ngenani péstol sing marai kancané ketémbak mati.[8] Senadyan mengkono dhèwèké gelem nganggo gaman geni menawa ana, ya ondherdilé utawa péloré ing cara ora standar. Dhèwèké uga tau nganggo péstol minangka kunci Inggris. Kejaba ana telung kasus nalika dhèwèké nganggo gaman api minangka senjata, ya iku ing épisodhe kapisan, MacGyver katon némbak bedhil AK-47 sajeroné misi ing adhegan ‘pambuka catur,’ (menit 7:51 sajeroné episodhe); dhèwèké ngancem para wong culik nganggo bedhil ing adhegan pambuka épisodhe 10 mangsa pisan;[9] lan dhèwèké uga nganggo bedhil ing film TV Trail to Doomsday. MacGyver kerep samar marang motivasi sawetara militèr bagéan pamaréntah AS sing seneng solusi kekerasan, dhèwèké nganggep Yayasan Phoenix Foundation sing ana ing Los Angeles lan ngwèhi awaké gawéan, minangka alternatif marang panegakan kukum sing luwih konvènsional (lan keras).[10]
  • Dana Elcar minangka Pete Thornton. Dhèwèké kuwi boss lan kancané MacGyver sing apik dhéwé. Dhèwèké iku pegawé ing Department of External Services (DXS) utawa Dhépartemèn Hubungan Ngamanca. Pete Thornton kagum marang akalé MacGyver nalika nggolèki Murdoc(Michael Des Barres), sawijining juru rajapati internasional lan wong sing pinter nyamar. Nalika Thornton dadi dhirèktur operasi ing Yayasan Phoenix Foundation sawetara taun sawisé, dhèwèké nglebokaké MacGyver minangka karyawan ing yayasan iku. Saliyané ngirim MacGyver tugas metu ing werna-werni tugas kanggo yayasan iki, Thornton kerep kudu nulungi MacGyver menawa olèh masalah, kamangka awaké dhéwé sajatiné lugu lan kurang akèh akalé nalika dhines ing lapangan. Thornton has nduwé anak lanang sing jenengé Michael. Ing pungkasané acara iki, Thornton ngidhep lelara glaukoma, sing uga mèlu katulis ing acara iki amerga Dana Elcar ya ngidhep lelara iki ing donya nyata. Dana Elcar iku sajatiné ing épisodhe pilot ya mèlu main, ananging minangka Andy Colson, Kepala Operasi ing laboratorium KIVA.[11]
  • Bruce McGill minangka Jack Dalton, dhèwèké kancané MacGyver sing lucu. Awaké iku serdhadhu bayaran lan pilot sing kerep olèh masalah lan nglèpètaké wong liya amarga awaké kepéngin cepet sugih. Namung MacGyver sing bisa nylametaké awaké. Menawa ngapusi mata kiwané kedhuten. Dalton iku kerep kepéngin macari para wanita sing ditepungaké marang awaké.

Prodhuksi

[besut | besut sumber]

Pangembangan

[besut | besut sumber]

Nalika ngripta sérial MacGyver, John Rich lagi nggarap kumidhi (sitcom) Mr. Sunshine kanggo ABC, sing namung sedhéla waé olèhé tayang lan agé dianulir. Henry Winkler lagi waé rampung ing sérial Happy Days sawisé sawelas taun lan lagi golèk proyèk anyar. Lee David Zlotoff kuwi nyambut gawé minangka sutradara kanggo sérial Remington Steele, sing lagi tayang ing NBC. Wong telu iki ngumpul lan nggawé dhasaré MacGyver lan banjur ngedol idéné marang Paramaount. ABC banjur dadi katarik sérial iki. Vin DiBona, sing dadi prodhuser America's Funniest Videos, ya mèlu kesembèt ing dina-dina awal.[12] [13]

Syuting

[besut | besut sumber]

Sérial iki difilem ing California Kidul nalika mangsa kapisan lan kapindho karo mangsa kaping pitu. Saka mangsa 3 nganti 6, sérial iku difilem ing sawetara lokasi sakiwa tengené Vancouver ing British Columbia, Kanadha. Senadyan ngono, Los Angeles panggah dadi sètting acara iki. Olèhé ngalih menyang Vancouver iku merga acara iki bisa dianulir déné anggaran prodhuksiné kedhuwuren. Ing mangsa 1 lan 2, MacGyver dituduhaké yèn awaké manggon ing apartemen sangarepé banyu ing panté Venice Beach. Ing mangsa 3, MacGyver ngalih menyang sawijiné omah prau, ing lokasi sing ora diarani, senadyan karepé ya isih ana ing Los Angeles. Sajatiné syutingé dilakoni ing Coal Harbour, cedhak tengahé Kutha Vancouver. Syutingé bali manèh menyang Los Angeles nalika mangsa pungkasan.[14] [15]

Pamaragan

[besut | besut sumber]

Nalika sérial iki isih ing wayah pra-prodhuksi, Winkler lan Rich golèk aktor sing cocog lan pantes. Sawisé Richard Dean Anderson main in sérial TV AS The Love Boat, Winkler ngundhang Anderson supaya audhisi. Miturut Rich kabèh aktor sing audhisi, wagu. Nalika Anderson ing pungkasan mèlu audhisi, Winkler lan Rich ngrasakaké yèn Anderson bisa mènèhi karakter MacGyver watek manungsa, kamangka para aktor liyané ora bisa.

Wong loro iku percaya yèn Anderson bisa dadi salah siji bintang anyar ing télévisi Amérika Sarékat.

Wong ngerti yèn Anderson dhéwé sing nggarap dhéwé stunt sajeroné acara iki. Senadyan mengkono, ing mangsa-mangsa pungkasan, dhèwèké wis ora kerep nggarap dhéwé, déné awaké kerep cilaka. Dhèwèké gegeré tau tatu lan sikilé kudu dioperasi, amarga kacilakan sing dialami olèhé nyambut gawé minangka stuntman.[12][16][17][12][18]

Sajarah panayangan

[besut | besut sumber]

Sawisé ndarbèni wiwitan sing alon, MacGyver dadi sleeper hit kanggo ABC ing mangsa kapindho. Sawisé iku acara iki enem taun salawasé dadi pambuka acara Monday Night Football ing ABC. Sajeroning sajarah, iki sing suwé dhéwé.[19]

Nalika ing mangsa kaping papat, Richard Dean Anderson komplain menawa ABC kurang olèhé nawakaké sérial iki. Dhèwèké nyatakaké menawa kanggo ABC sérial iki namung salah siji sérial aksi waé lan ABC kurang olèhé promosi sérial iki.[20]

Mangsa kaping pitu MacGyver dicekak. Sawisé épisodhe kaping rolas ditayangaké ing tanggal 30 Dhèsèmber 1991, MacGyver ngilang saka jadwal ABClan ora bali nganti tanggal 25 April 1992, kala iku sérial iki wis dianulir Épisodhe final ditayangaké wengi iku, lan diiloni déning sawijiné épisodhe sing durung tau ditayangaké ing tanggal 21 Mèi 1992.

Nalika ditakoni généya sérial iki dianulir, Anderson mangsuli: “Siji-sijiné alesan iku amarga kabèh wis sedya nglakoni barang liya, wis bisa move on. Aku dhéwé wis kesel njaba njero lan ora nduwé urip pribadi.”[21]

Pawiji

[besut | besut sumber]
Mangsa Épisodhe Ditayangaké kapisan Pungkasan ditayangaké Wektu Rangking Cacahé pamirsa
1 22 29 Sèptèmber 1985 7 Mèi 1986 Dina Minggu jam 20:00
Dina Rebo jam 20:00 		#47[22] 14,6[22]
2 22 22 Sèptèmber 1986 4 Mèi 1987 Dina Senèn jam 20:00 #45[23] 14,6[23]
3 20 21 Sèptèmber 1987 9 Mèi 1988 #53[24] 12,9[24]
4 19 31 Oktober 1988 15 Mèi 1989 #42[25] 13,6[25]
5 21 18 Sèptèmber 1989 30 April 1990 #47[26] 12,3[26]
6 21 17 Sèptèmber 1990 6 Mèi 1991 #52[27] 11,5[27]
7 14 16 Sèptèmber 1991 21 Mèi 1992 #64[28] 9,6[28]

Film TV

[besut | besut sumber]

Ing taun 1994, sérial iki dibabar ing luwih saka 70 pasar sing béda-béda.[29] Amarga akèh sing njejaluk, ana rong film TV digawé, loro-loroné dibabar ing taun 1994. Film kapisan ajudhul MacGyver: Lost Treasure of Atlantis kababar pisan ing Amerika Sarékat ing sasi Mèi. Film iki olèhé syuting ing Inggris lan Grikenlan. Film kapindho ndarbèni judhull MacGyver: Trail to Doomsday, lan olèhé syuting in Inggris. Anderson makarya minangka prodhuser èksèkutif kanggo film loro iki,[29] sing disyuting ing Éropa.[30]

Panayangan sindhikasi lan médhia omah

[besut | besut sumber]

Tayangan ulang sérial iki isih ana ing Amérika Lor, Éropa, Ostrali, Asia, Kosta Rika, lan Étiyopia. Saliyané sindhikasi lokal, ulangan ya ditayangaké ing USA Network saka 1990 nganti 1997, ing WGN America saka 1998 nganti 2002, ing TV Land saka Januari 2003 nganti 2006, ing Spike tau cekak ing taun 2005. Banjur uga tau tayang ing Cloo (2011–2017) mawa tayangan maraton ing dina Setu lan Minggu lan ing 13 Mèi 2015, Esquire Network uga miwiti tayangan ulang sérial iki. MeTV Network olèh hak kanggo nayangaké sérial iki ing tanggal 2 Dhèsèmber 2015. Sérial iki ditayangaké ing dina kerja soré lan wengi ing MeTV saka tanggal 19-12-2016 - 26-5-2017.[31]

Ing tanggal 15 Juni 2010, Paramount mbabar rong film TV ing format DVD ing Region 1 ing sawijining rilis awujud cakram tunggal ajudhul MacGyver – The TV Movies.[32]

Ing surya 13 Januari 2015, CBS Home Entertainment wara-wara menawa dhèwèké kabèh bakal mbabar vèrsi pakèt ulang sérial komplit ing DVD ing Region 1, mawa rega sing luwih murah ing tanggal 7 April.[33]

JUDHUL DVD Region 4 (Ostrali)
The Complete First Season January 25, 2005
The Complete Second Season June 7, 2005
The Complete Third Season September 6, 2005
The Complete Fourth Season December 6, 2005
The Complete Fifth Season March 14, 2006
The Complete Sixth Season June 13, 2006
The Final Season October 24, 2006
The Complete Series (39 Disc Set) July 30, 2009
The Complete Collection (38 Disc Set) August 15, 2018

Remaster ing format high definition

[besut | besut sumber]

Ing sasi June 2018, CBS wara-wara menawa négatif kaméra orisinil, sing sadurungé dikira wis ilang, tibaké ketemu manèh, lan remaster ing format high definition saka sérial iki lagi digarap. Ing rilis pèrs tanggal 21 Juni wis didhedhesaké menawa telung mangsa kapisan wis rampung. Papat liyané isih kudu diremaster manèh sadurungé pungkasané taun 2018. Rilis pèrs iki uga nuduhaké kwalitas gambar sing luwih apik.[34]

Pangaribawa

[besut | besut sumber]

Sérial iki kerep disebut ing sawetara épisodhe The Simpsons, mliginé menawa nyritakaké obsèsi mbakyuné Marge Simpson ya Oki (Patty lan Selma) marang acara iki lan olèhé mbakyuné iku nggandrungi karakter si MacGyver iki. Olèhé para mbakyu iki sakala-kala nonton acara iki, wis dadi anasir ora isa diowahi ing jadwal padinané, kaya dituduhaké ing épisodhe "Black Widower". Épisodhe iki uga nuduhaké sawijiné adegan fiksional MacGyver sing andhap asor olèhé nylametaké sawijiné désa. (“Ora sah kandha matur nuwun marang aku. Matura nuwun waé marang daya tariké grativasi wulan. ("Don't thank me. Thank the moon's gravitational pull."))[35]

Sajeroné épisodhe kapisan acarané Anderson ing tembé, ya iku, Stargate SG-1, Amanda Tapping ngimprovisasi yèn Angkatan Udara Amérika Sarékat kudu "MacGyveri" sawijiné Piranti Nilpun Omah kanggo Stargate (gapura lintang),[36] lan sadetik sawisé Anderson katon "mèsem kecut” minangka réaksiné;[37] para prodhuser, kalebu Anderson, "seneng" lan Anderson banjur ing tembé nyatakaké "Miturutku iku apik banget".[36] (Senadyan mengkono, ukara iki dibusak nalika épisodhe iki dirilis ulang ing taun 2009.)[38]

Ing taun 2006, Anderson main ing sawijiné iklan télévisi ngenani MasterCard kanggo acara Super Bowl XL. Ing kana, dhèwèké bisa ngethok tali sing ngiket awaké mawa pewangi aroma wit pinus, nganggo kaos kaki lumrah minangka katrol kanggo sawijiné tali luncur gantung, lan embuh kepriyé carané bisa ngréparasi lan nyetarter truk sing ora fungsional nganggo klip kertas, balpèn, gelang karèt, pinsèt, semprotan irung, lan cidhuk kalkun. Béda karo iklan MasterCard sadurungé sing nuduhaké wong tetuku barang anèh-anèh kanggo mungkasi tugas padinan, MacGyver dituduhaké mlayu saka salah sawijiné perangkap maut mawa barang-barang padinan umum sing wiji kurang saka $20. Iklan iki ing wusanané nuduhaké dhèwèké nukoni barang-barang kaya ngono ing sawijiné toko gedhé mawa kartu kredhité (minangka katrangan lucu kanggo kepriyé dhèwèké mesthi nduwé barang-barang sing diperlokaké nalika lunga menyang ngendi waé). Senadyan iklan iki implisit nyatakaké menawa Anderson maragakaké MacGyver, nanging ora diarani èksplisit.[39]

Ing sasi Agustus 2007 ana angkèt sing dianakaké déning Yayasan McCormick Tribune Foundation. Wong Amérika Sarékat padha milih MacGyver minangka pahlawan fiksi favorit sing dipéngèni menawa dhèwèké kabèh ana ing kahanan darurat.[40]

Ing taun 2008, ukara “Apa sing arep dilakokaké déning MacGyver?” ("What would MacGyver do?") dienggo ing sawijiné iklan télévisi Niu Sélan kanggo bumbu-bumbu pawon Gregg's "freestyle cooking.” Iklan iki nuduhaké tembung MacGyver sing mbukak saka lempitan kaya déné puzzle nganggo péso oncèkan kenthang lan péso bendho sing binukak kaya ta leladingané péso wadyabala Switserlan.[41]

"MacGyver" lan "MacGyverisme”

[besut | besut sumber]
Informasi luwih komplit : MacGyver in popular culture § MacGyverisms and "to MacGyver"

MacGyver nrapaké akal lan kawruhé ing sains, tèknologi, ngalam, lan ulahraga, kanggo golèk solusi menawa ngadhepi krisis maut. Dhèwèké bisa nyiptakaké barang migunani saka barang-barang prasaja, lan mung ngandelaké péso wadyabala Switserlan lan sélotip, dudu sanjata lan piranti canggih modhèren kaya mata-mata khas ing acara liya. Barang-barang panyiptané iku dadi sinonim karo karakter MacGyver iki lan diarani MacGyverisme déning wong-wong sing nggandrungi.[6][42] Para juru tulis acara iki ndhasaraké barang-barang ciptanané MacGyver ing gagasan saka para adviseur sains, prastawa tenanan, barang-barang sing ditemokaké ing lokasi, lan idhé-idhé sing dikirim para penggemar ing sayembara mawa bebungah dhuwit.[6][42] Tembung MacGyverisme utawa ing basa Inggris MacGyverism iku kapisan diarani ing acara iki déning karakter Joanne Remmings ing épisodhe "Twice Stung" (mangsa 2, épisodhe 3).

Tembung MacGyverism iku marai anané tembung kriya to MacGyver ing basa Inggris. Ing taun 1989, Richard Dean Anderson ndhiskusèkaké istilah iki sajeroné acara The Arsenio Hall Show; Arsenio Hall tau krungu istilah iki dienggo lan tegesé 'nggarap sawijining barang kang mustakil', lan mènèhi panemuné tembung iki dimota ing bausastra. [43] Jeneng MacGyver mlebu situs wèb bausastra Oxford Dictionaries minangka tembung kriya ing taun 2015 lan tegesé "nggawé utawa réparasi barang mawa cara improvisasi utawa inventif, nganggo barang-barang sing ana ing cedhak".[44][45]

Anugrah lan nominasi

[besut | besut sumber]
Anugrah Taun Kategori Sing dinominasèkaké Épisodhe Kasil
BMI Film & TV Awards 1991 BMI TV Music Award Randy Edelman Menang[46]
Emmy Awards 1987 Outstanding Achievement in Makeup for a Series Rolf John Keppler, Michael Westmore, Robert Norin "Friends" Nominasi[46]
1989 Outstanding Sound Editing for a Series William H. Angarola, Miguel Rivera, Barbara Issak, Jon Johnson, Keith Bilderbeck, Art Ottinger, Steve Danforth "Gold Rush" Nominasi[46]
1990 Outstanding Sound Editing for a Series William H. Angarola, Miguel Rivera, Barbara Issak, George Nemzer, Guy Tsujimoto, David Long, Steve Danforth "The Lost Amadeus" Nominasi[46]
1992 Outstanding Individual Achievement in Costuming for a Series Thomas Welsh, Bernadette O'Brien "Good Knight MacGyver", part I Nominasi[46]
Genesis Awards 1991 Best TV - Drama Paul B. Margolis, Henry Winkler – Menang[46]
TV Land Awards 2005 Greatest Gear or Admirable Apparatus Richard Dean Anderson — Nominasi[46]
2007 Most Uninsurable Driver Richard Dean Anderson — Nominasi[46]
Young Artist Awards 1990 Best Young Actor Guest Starring in a Television Series Cuba Gooding Jr. – Nominasi[46]
Best Young Actress Guest Starring in a Television Series Holly Fields – Nominasi[46]

Reboot sing gagal

[besut | besut sumber]

Jared Padalecki mèlu main sawijiné pilot utawa épisodhe kapisan sérial MacGyver reboot (ulang anyar) sing gagal.[47]

Sérial reboot anyar ing CBS taun 2016

[besut | besut sumber]

Ing sasi Oktober 2015, prodhuser èksèkutif sérial asli, Henry Winkler, napakastani kanggo mrodhuksi sérial reboot karo James Wan lan R. Scott Gemmill kanggo CBS.[48] Ing sasi Mèi, stasiun TV iki njupuk sérial iki, mawa ko-kréator/ptodhuser èksèkutif Peter Lenkov minangka sing ngurusi acara,[49] lan mesthèkaké yèn sérial anyar iki bakal ditayangaké ing tembé ing taun iku.[50] Nanging ing sasi Juni, stasiun TV njabel épisodhe pilot iki lan mesen épisodhe pilot anyar sing disutradarani déning Wan mawa Tiil lan Eads dadi para paraga.

Justin Hires dikon main minangka Wilt Bozer, kanca sakamaré MacGyver.[51][52] Ing sasi Juni, Variety nglapuraké menawa Sandrine Holt dikon mainaké Patricia Thornton, sawijiné manten agèn mata-mata ing lapangan lan saiki dadi dhirèktur operasi ing Department of External Services,[53] lanTristin Mays dikon mainaké Riley Davis, ya iku hacker utawa peretas komputer sing ora stabil lan nduwé isu pribadi.[54]

Acara reboot iki lumaku nganti taun 2021, sawisé iku dianulir.

Ing médhia liyané

[besut | besut sumber]

Game punsèl

[besut | besut sumber]

Sawijiné game 3D puzzle adhedhasar sérial TV iki mawa judhul MacGyver: Deadly Descent dirilis ing iOS lan Android.[55]

MacGyver and the New Citan

[besut | besut sumber]

Anderson maragakaké karakter MacGyver manèh ing sasi Sèptèmber 2012 ing sawijiné sérial film-film cendhak, digawé déning Mercedes-Benz kanggo ngrilis MPV Citané sing anyar in Éropa.[56][57]

Buku komik

[besut | besut sumber]

Buku komik tau dibabar lan katampa apik saindhenging donya. Cithakan kapisan ludhes sajeroné rong minggu[58] lan olèh resènsi apik ing situs buku komik gedhé. Senadyan mengkono Tommy Lee, pangripta pokok, ndhedhes ing sasi Sèptèmber 2014, nanging in gunggungé sérial iki kurang payu kanggo njamin sérial kapindho.[59]

Cathetan sikil

[besut | besut sumber]
  1. ↑ a b "MacGyver (ABC...Richard Dean Anderson, Dana Elcar)". Memorable TV. 24 January 2017. http://www.memorabletv.com/tv/macgyver-abc-1985-1992/ Archived November 6, 2018, at the Wayback Machine.
  2. ↑ https://www.inews.id/amp/lifestyle/film/5-film-barat-yang-pertama-kali-diputar-di-awal-berdirinya-rcti-manakah-yang-pernah-anda-tonton
  3. ↑ Design News Staff (December 18, 2001). "Engineers making a difference; Five engineers find the time to teach kids that engineering is cool". Design News: 50.
  4. ↑ Curtis, Tim (2015-02-26). "'Next MacGyver' aims to attract female engineers". The Star-Democrat. Capital News Service. kc. 5. Diarsip saka asliné ing April 22, 2023. Dibukak ing 2023-04-22 – lumantar Newspapers.com.
  5. ↑ Michals, Bob (1985-12-15). "MacGyver: TV's Unsung Hero". The Palm Beach Post. kc. 221. Diarsip saka asliné ing April 22, 2023. Dibukak ing 2023-04-22 – lumantar Newspapers.com.
  6. ↑ a b c Britton, Wesley, Spy Television, Praeger/Greenwood, ISBN 0-275-98163-0, p. 212.
  7. ↑ Hughes, Mike (1990-11-12). "MacGyver explores new territory". Press and Sun-Bulletin. Gannett News Service. kc. 18. Diarsip saka asliné ing April 23, 2023. Dibukak ing 2023-04-22 – lumantar Newspapers.com.
  8. ↑ "Brothers". MacGyver. Usum 4. Èpisodhe 2. American Broadcasting Company.
  9. ↑ "Target MacGyver". MacGyver. Usum 1. Èpisodhe 10. American Broadcasting Company.
  10. ↑ Pieter Jacobus Fourie (April 28, 2004). Media Studies: Content, audiences, and production. Juta and Company. ISBN 978-0-7021-5656-4. Diarsip saka asliné ing April 26, 2023. Dibukak ing November 16, 2020.
  11. ↑ "MacGyver Online: Andy Colson". Diarsip saka sing asli ing September 19, 2014. Dibukak ing May 18, 2016.
  12. ↑ a b c John Rich (October 2006). Warm Up the Snake. University of Michigan Press. ISBN 978-0-472-11578-5. Diarsip saka asliné ing April 26, 2023. Dibukak ing May 14, 2009.
  13. ↑ "Vin Di Bona discusses working with Henry Winkler on MacGyver - EMMYTVLEGENDS.ORG". Diarsip saka asliné ing November 23, 2022. Dibukak ing November 23, 2022 – lumantar www.youtube.com.
  14. ↑ Canadaka. "TV Series Filmed in Canada". Canadaka.net. Diarsip saka asliné ing August 5, 2020. Dibukak ing April 25, 2009.
  15. ↑ "MacGyver Online: Filming Locations". Diarsip saka sing asli ing October 18, 2017. Dibukak ing December 2, 2011.Cithakan:Unreliable source?
  16. ↑ Brady, James (December 27, 1998). "In Step With Richard Dean Anderson". Parade Magazine. Diarsip saka sing asli ing September 27, 2011. Dibukak ing May 18, 2016.
  17. ↑ Michals, Bob (1985-12-15). "MacGyver: TV's Unsung Hero". The Palm Beach Post. kc. 222. Diarsip saka asliné ing April 22, 2023. Dibukak ing 2023-04-22 – lumantar Newspapers.com.
  18. ↑ Greenstein, Lindsay; Giles, Laura; Bogdan, Alex (February 4, 1990). "Kidsday: Talking with Richard Dean Anderson". Newsday. Diarsip saka sing asli ing September 27, 2011. Dibukak ing May 18, 2016.
  19. ↑ Suzanne Stevens (January 19, 1987). "In a fix? Call MacGyver, not the average Joe who plays him". People Weekly. Diarsip saka sing asli ing December 3, 2019. Dibukak ing May 14, 2009.
  20. ↑ David Walstad (July 24, 1988). "Series gets no respect, star says; Richard Dean Anderson faces his fourth season as MacGyver". The Philadelphia Inquirer. Diarsip saka asliné ing May 13, 2020. Dibukak ing May 14, 2009.
  21. ↑ Mark Nollinger (July 15, 1997). "Ice Man". TV Guide. Diarsip saka sing asli ing September 7, 2018. Dibukak ing May 14, 2009.
  22. ↑ a b "The TV Ratings Guide: 1985-86 Ratings History". Diarsip saka asliné ing October 13, 2020. Dibukak ing May 13, 2020.
  23. ↑ a b "The TV Ratings Guide: 1986-87 Ratings History". Diarsip saka asliné ing June 18, 2020. Dibukak ing May 13, 2020.
  24. ↑ a b "The TV Ratings Guide: 1987-88 Ratings History". Diarsip saka asliné ing June 20, 2020. Dibukak ing May 13, 2020.
  25. ↑ a b "The TV Ratings Guide: 1988-89 Ratings History". Diarsip saka asliné ing June 18, 2020. Dibukak ing May 13, 2020.
  26. ↑ a b "The TV Ratings Guide: 1989-90 Ratings History". Diarsip saka asliné ing October 21, 2020. Dibukak ing May 13, 2020.
  27. ↑ a b "1990-91 Nielsen ratings - Sitcoms Online Message Boards - Forums". www.sitcomsonline.com. Diarsip saka asliné ing June 25, 2020. Dibukak ing May 13, 2020.
  28. ↑ a b "The 1991-92 Season FULL Nielsen Ratings...and other interesting tidbits - Sitcoms Online Message Boards - Forums". www.sitcomsonline.com. Diarsip saka asliné ing August 9, 2020. Dibukak ing May 13, 2020.
  29. ↑ a b King, Susan (May 8, 1994). "Richard Dean Anderson producing Macsequels". The Los Angeles Times. Diarsip saka sing asli ing September 27, 2011. Dibukak ing May 18, 2016.
  30. ↑ Buck, Jerry (December 14, 1992). "A New Image for MacGyver". The Wichita Eagle. Diarsip saka sing asli ing September 27, 2011. Dibukak ing May 18, 2011.
  31. ↑ "TitanTV Programming Guide". woio.titantv.com. Diarsip saka sing asli ing August 10, 2020. Dibukak ing June 1, 2022.
  32. ↑ "MacGyver DVD news: Date Change for MacGyver – The TV Movies". TVShowsOnDVD.com. Diarsip saka sing asli ing Sèptèmber 16, 2011. Dibukak ing Fèbruari 25, 2011.
  33. ↑ "Paramount to Re-Release 'The Complete Collection' on DVD". Diarsip saka sing asli ing April 18, 2017.
  34. ↑ "The Original MACGYVER - HD Remastered!". www.home.viacbscontent.com. Diarsip saka asliné ing June 4, 2020. Dibukak ing June 4, 2020.
  35. ↑ "A Star Is Burns". The Simpsons. Usum 6. Èpisodhe 18. 1995-03-05.
  36. ↑ a b Johnson, Allan (July 26, 1997). "'Stargate': New Challenge for 'MacGyver' Star". Chicago Tribune. Diarsip saka asliné ing March 28, 2023. Dibukak ing 2023-03-28.
  37. ↑ Bianculli, David (1997-07-24). "Stargate SG1 is less than stellar". Daily News. kc. 118. Diarsip saka asliné ing March 28, 2023. Dibukak ing 2023-03-28 – lumantar Newspapers.com.
  38. ↑ "Stargate SG-1: Children of the Gods – Final Cut review". ReviewStream.com. Diarsip saka asliné ing February 9, 2014. Dibukak ing April 12, 2012.
  39. ↑ "MacGyver MasterCard Commercial". Tow.com. December 20, 2010. Diarsip saka asliné ing April 30, 2011. Dibukak ing December 20, 2010.
  40. ↑ "MacGyver is favorite disaster hero". The Sydney Morning Herald. September 13, 2007. Diarsip saka asliné ing September 19, 2007. Dibukak ing September 13, 2007.
  41. ↑ MacGyver Online web site Archived October 18, 2017, at the Wayback Machine. has this commercial to watch online
  42. ↑ a b Rich, John, 2006, Warm Up the Snake: A Hollywood Memoir, ISBN 0-472-11578-2, p. 167.
  43. ↑ Arsenio Hall interview of Richard Dean Anderson Archived August 17, 2010, at the Wayback Machine.. The Arsenio Hall Show. 1989. MacGyver Online. accessed July 30, 2011.
  44. ↑ "MacGyver". Oxford Dictionaries. Diarsip saka sing asli ing August 22, 2017.
  45. ↑ "How 'MacGyver' became a verb". BBC. August 27, 2015. Diarsip saka asliné ing November 29, 2017. Dibukak ing July 20, 2018.
  46. ↑ a b c d e f g h i j "MacGyver - IMDb". IMDb.
  47. ↑ "Supernatural Star Jared Padalecki's Failed Young MacGyver Spinoff Explained". Screen Rant. May 2, 2021.
  48. ↑ Andreeva, Nellie (October 2, 2015). "'MacGyver' Series Remake Set At CBS, James Wan & Henry Winkler Producing". Diarsip saka asliné ing June 4, 2020. Dibukak ing June 4, 2020.
  49. ↑ Andreeva, Nellie (May 13, 2016). "'Training Day', 'Bull', 'MacGyver', 'The Great Indoors', Matt LeBlanc Comedy & Jason Katims Drama Picked Up By CBS". Deadline. Diarsip saka asliné ing March 27, 2019. Dibukak ing May 13, 2016.
  50. ↑ Iannucci, Rebecca (May 18, 2016). "MacGyver: CBS Unveils Trailer for Upcoming Reboot of '80s Series". TV Line. Diarsip saka asliné ing May 20, 2016. Dibukak ing May 20, 2016.
  51. ↑ Goldberg, Lesley (June 16, 2016). "James Wan to Direct CBS' Rebooted 'MacGyver' Pilot". The Hollywood Reporter. Diarsip saka asliné ing November 16, 2018. Dibukak ing February 18, 2020.
  52. ↑ Andreeva, Nellie (June 13, 2016). "'MacGyver': 'Rush Hour's Justin Hires Cast In CBS Series Reboot". Deadline. Diarsip saka asliné ing June 12, 2018. Dibukak ing February 18, 2020.
  53. ↑ Prudom, Laura (July 15, 2016). "'MacGyver' Casts Sandrine Holt as Series Regular". Variety. Diarsip saka asliné ing June 12, 2018. Dibukak ing December 11, 2017.
  54. ↑ Wagmeister, Elizabeth (July 27, 2016). "Tristin Mays Joins 'MacGyver' Completing Cast of CBS Reboot". Variety. Diarsip saka asliné ing August 28, 2018. Dibukak ing December 11, 2017.
  55. ↑ Brown, Mark (May 22, 2014). "MacGyver: Deadly Descent walkthrough for iOS and Android - Laser Quest puzzles". www.pocketgamer.com. Diarsip saka asliné ing October 6, 2019. Dibukak ing May 2, 2020.
  56. ↑ Kasperowicz, Leslie (August 19, 2012). "MacGyver Gets A Comeback In Mercedes-Benz Web Episodes". Cinema Blend. Diarsip saka asliné ing May 18, 2016. Dibukak ing May 18, 2016.
  57. ↑ "MacGyver and the new Citan: every hero needs a strong partner". Stuttgart: Daimler AG. August 14, 2012. Diarsip saka sing asli ing October 19, 2013. Dibukak ing May 18, 2016.
  58. ↑ "MacGyver comic sells out in less than 2 weeks". MacGyver Online. October 31, 2012. Diarsip saka sing asli ing August 1, 2013. Dibukak ing May 18, 2016.
  59. ↑ "No more comics planned". MacGyver Online Forums. Diarsip saka asliné ing May 25, 2015. Dibukak ing April 1, 2015.

Pranala njaba

[besut | besut sumber]
Wikicuplik duwé cuplikan ngenani: MacGyver (sérial TV 1985)
Dijupuk saka "https://jv.wikipedia.org/w/index.php?title=MacGyver_(sérial_TV_1985)&oldid=1699164"